Fonolito
Fonolito estas malofta vulkana petro, kies sono, kiam ĝi estas frapita, similas metalan, sonoran frapsonon.
Priskribo[redakti | redakti fonton]
Fonolito estas vulkana petro, kies kemia enhavo estas meza inter feldspata kaj magnezifera. La grando de la grajno povas esti aŭ malgranda aŭ porfireca (de miksitaj grandoj). Fonolito aspektas verda aŭ griza.
Ekzemploj[redakti | redakti fonton]
Fonolito estas trovebla en la tuta mondo. Jen kelkaj ekzemploj de fonolitoj:
- Diabola Turo (angle Devils Tower), Vajomingo, Usono
- Dunedin, Nov-Zelando
- Mont Gerbier de Jonc, Francio
- Montiferru, Sardio
Etimologio[redakti | redakti fonton]
La nomo fonolito devenas de la helenaj φωνή “sono” kaj λῐ́θος “ŝtono”, pro la karakteriza metaleca sonora frapsono.
Eksteraj ligiloj[redakti | redakti fonton]
- Kavka, Josef. (1982) “Fonolitoj kontribuas al ŝparado de energio”, Seminario pri Aplikado de Esperanto en Scienco kaj Tekniko (esperante), p. 29.
- Phonolith bei Kleinostheim - Gestein des Jahres 2014 (germane).