Ingrid Bergman

El Vikipedio, la libera enciklopedio
Saltu al: navigado, serĉo
Ingrid bergman.jpg

Ingrid BERGMAN (naskiĝis la 29-an de aŭgusto, 1915, mortis la 29-an de aŭgusto, 1982) estis sveda aktorino.

Ingrid Bergman naskiĝis en Stokholmo. Ŝi studis aktoradon en sia hejmurbo, kaj post kelkaj filmoj en Svedio ŝi en 1939 iris al Hollywood. Grandan renomon ŝi gajnis pro la filmo Casablanca, kie ŝi kune kun Humphrey Bogart prezentis unu el la plej famaj amoparoj de la kinohistorio. Oskarojn ŝi gajnis en 1945 pro Gaslight, en 1957 pro Anastasia kaj en 1975 pro Murder on the Orient Express.

En la jaro 1948 ŝi ŝokis la publikon komencante amaferon kun la itala reĝisoro Roberto Rossellini kaj naskante idon de li antaŭ ol ŝi estis divorcita de sia edzo, la kuracisto P. Lindström. La edzeco kun Rossellini daŭris de 1951 ĝis 1957, kaj ankaŭ ŝia tria edzeco kun la produktoro L. Schmidt fiaskis. En la jaro 1982, je sia naskiĝtago, ŝi mortis en Londono de kancero.

Listo de filmoj[redakti | redakti fonton]

  • Munkbogreven (Svedio, 1934)
  • Intermezzo (Usono, 1939)
  • Dr. Jekyll and Mr. Hyde (Usono, 1941)
  • Casablanca (Usono, 1942)
  • To Whome the Bell Tolls (Usono, 1943)
  • Gaslight (Usono, 1944)
  • Notorious (Usono, 1946)
  • Joan of Arc (Usono, 1948)
  • Stromboli, terra di Dio (Italio, 1949)
  • Elena et les hommes (Francio/Italio, 1956)
  • Anastasia (Usono, 1957)
  • Indiscreet (Usono, 1958)
  • The Inn of the Sixth Happiness (Usono, 1958)
  • Murder on the Orient Express (Britio, 1974)
  • Herbstsonate (Germanio/Svedio, 1978)

Eksteraj ligiloj[redakti | redakti fonton]