Juro kaj Justeco

Juro kaj Justeco
Prawo i Sprawiedliwość
partio
Lando	Pollando
Estro	Jarosław Kaczyński
Fondiĝo	13-a de junio 2001
Ĉefa sidejo	Varsovio, str. Nowogrodzka 84/86
Ideologio	konservatismo, kristana demokratio
Internacia aliĝo	ne membras; frakcio en Eŭropa Parlamento: Eŭropaj Konservativuloj kaj Reformemuloj
Junulara organizaĵo	Forumo de la junaj el PiS
Retejo	pis.org.pl
	v • d • r

Reviziita versio de ĉi tiu paĝo, aprobita je 5 mar. 2015, estis bazita sur ĉi tiu versio.

Juro kaj Justeco (pole Prawo i Sprawiedliwość, PiS) estas dekstra-flanka politika partio en Pollando, fondita la 13-an de junio 2001 fare de Lech Kaczyński. Ekde 2007, post parlamentaj balotoj, ĝi estas partio kun la dua plej granda subteno en Pollando.

Juro kaj Justeco postulas pligrandigi rajtojn de viktimoj kaj plialtigi punojn por krimuloj. La partio proponis fondi la Centran Kontraŭkoruptan Buroon kaj eniri la regulon de publikeco de havaĵaj deklaracioj de politikistoj kaj oficistoj. JkJ kontraŭas laŭleĝigi eŭtanazion, aborton, registritan partnerecon por samseksaj paroj kaj molajn drogojn. La partio subtenas restituon de mortpuno.

La junulara organizo de Juro kaj Justeco estas Forumo de Junuloj.

Pola parlamento

2001: 44 parlamentanojn en Sejmo, malsupera ĉambro de pola parlamento (9,6%).

2005: 153 parlamentanojn en Sejmo (33%) kaj 50 en Senato (50%). JkJ kunkreas la registaron.

2007: 166 parlamentanojn en Sejmo (36%) kaj 39 en Senato (39%).

En 2005 kandidato de JkJ, Lech Kaczyński, venkis la prezidentajn balotojn kaj ekestis Prezidento de Pollando.

En la Eŭropa Parlamento, Juro kaj Justeco membris en frakcio Unio por Eŭropo de Nacioj (UEN) dum la oficperiodo 2004-2009. Ekde 2009 JkJ membras en la frakcio de Eŭropaj Konservativuloj kaj Reformemuloj.

2004: Dum la eŭropaj balotoj 2004 JkJ ricevis 12,67% voĉdonojn kaj gajnis 7 mandatojn.

2009: Dum la eŭropaj balotoj 2009 JkJ ricevis 27,4% voĉdonojn (la dua plej bona rezulto) kaj gajnis 13 mandatojn.