Eŭropa Parlamento

El Vikipedio

La domo de la Eŭropa Parlamento en Strasburgo

Eŭropa Parlamento estas unuĉambra parlamento reprezentanta civitanoj de membroŝtatoj de la Eŭropa Unio. Ĝia oficiala sidejo estas Strasburgo kaj ankaŭ Bruselo kie okazas plimulto de debatoj kaj kie troviĝas deputitaj oficejoj, parlamentaj komisionoj kaj frakciaj estraroj. La sekretariato, biblioteko kaj parto de teknika postscenejo havas sian sidejon en Luksemburgo.

Eŭropa Parlamento estas institucio komence nomumata de la membroŝtatoj, sed ekde 1979 ĝi estas senpere elektata de la civitanoj por kvinjara oficperiodo.

[redakti] Kompetentecoj

La Eŭropa Parlamento:

partoprenas la procezon de kreado de unia juro; en multe kazoj ĝi eĉ havas la rajton forĵeti proponojn anoncintajn de la Eŭropa Komisiono;
partoprenas preparadon de budĝeto; ĝi havas la decidan voĉon pri nedevigaj elspezoj kiu estas ĉirkaŭ 25% de eŭropunia budĝeto;
kontrolas, ĉefe la Eŭropan Komisionon al kiu ĝi povas mocii malfidon; ĝi kontrolas ankaŭ plenumadon de la budĝeto kaj (mal)akceptas agadon pri ĝia realizado de la Komisiono;
elektas la Eŭropan Ombudsmanon.

[redakti] Deputitoj

Pli detalaj informoj troveblas en la artikolo Membro de Eŭropa Parlamento

Eŭropa Parlamento konsistas nuntempe el 736 eŭropdeputitoj, elektitaj por kvinjara oficperiodo. Oni ofte uzas ordinarajn signadojn "eŭropdeputito" kaj "eŭropparlamentano", tamen oficiala nomo sonas esperante Membro de Eŭropa Parlamento (MEP), same kiel en la angla lingvo (Member of the European Parliament, MEP). Ekzemple en la franca lingvo oni diras nur "deputito" (un député européen) kaj en pola "Deputito de Eŭropa Parlamento" (Poseł do Parlamentu Europejskiego).

[redakti] Nombreco

1962 - 162 deputitoj
1979 - 410 deputitoj
1981 - 434 deputitoj
1986 - 518 deputitoj
1994 - 567 deputitoj
1999 - 626 deputitoj
2004 - 732 deputitoj
2007 - 785 deputitoj
2009 - 736 deputitoj

[redakti] Prezidanto

Pli detalaj informoj troveblas en la artikolo Prezidanto de la Eŭropa Parlamento

La parlamento elektas el siaj membroj la Prezidanton de la Eŭropa Parlamento por 2,5-jara oficperiodo. Prezidanto reprezentas parlamenton ekstere kaj gvidas ĝiajn debatojn. La lasta prezidento de EP, en finanta oficperiodo, estas germano Hans-Gert Pöttering (EPP-ED).

[redakti] Frakcioj

Pli detalaj informoj troveblas en la artikolo Frakcioj en Eŭropa Parlamento

Kandidatoj al parlamento startas en elektadoj kutime el listoj de partioj ekzistantaj en membroŝtatoj, tamen post elektato al EP ili grupiĝas en la politikaj frakcioj kiu funkcias oficiale en Eŭropa Parlamento (kelkaj de ili ne grupiĝas kaj restas neligitaj institucie). Ĉi-tiuj frakcioj similas al disdivido de politikaj partioj en Eŭropo. Deputitoj sidas en ĉambro de parlamento laŭ frakcioj, ne nacioj.

[redakti] Debatoj

Eŭropa Parlamento ne uzas unu lingvon de debatoj. Debatoj de EP okazas samtempe en ĉiuj oficialaj lingvoj de Eŭropa Unio - ĉiu deputito diras en sia hejmlanda lingvo kaj ĝia parolado estas kurante tradukata al ĉiuj aliaj lingvoj. Nune debatoj estas tradukataj ankaŭ al lingvoj de ĉiuj asociataj ŝtatoj (kroata, moldava kaj turka), ĉar reprezentantoj de parlamentoj de asociataj ŝtatoj rajtas pasive partopreni en ĉiaj debatoj.

Parto de laboro de la parlamento okazas dum la debatoj ĉe la adekvataj komisionoj kiu preparas konkludojn kaj aktojn pri kiuj deputitoj voĉdonas poste dum sesioj.

Ĉiuj sesioj alvokas la prezidanto.

Plenaj sesioj daŭras kutime unu semajno en monato kaj okazas en Strasburgo, tamen povas okazi ankaŭ dutagaj sesioj en Bruselo. Laŭ bezono prezidanto alvokas ankaŭ eksterordinarajn sesiojn.