Eŭropa Komisiono
El Vikipedio
La Eŭropa Komisiono estas la motoro de la funkciado de la eŭropuniaj institucioj. Ĝi reprezentas kaj defendas la ĝeneralan intereson de la Unio. La sidejo de la Eŭropa Komisiono situas en Bruselo, Belgio.
La prezidanto kaj la membroj de la Komisiono estas nomumitaj de la membroŝtatoj post aprobo de la Eŭropa Parlamento.
La Komisiono estas la motoro de la institucia komunuma sistemo:
- Kiel posedanto de la rajto de leĝfara iniciato, ĝi proponas la tekstojn de leĝo, kiuj estas submetitaj al la Eŭropa Parlamento kaj al la Ministrara Konsilio.
- Kiel plenuma instanco, ĝi efektivigas la plenumon de la eŭropaj leĝoj (direktivoj, reglamentoj, decidoj), de la buĝeto kaj de la programoj alprenitaj de la Parlamento kaj de la Konsilio.
- Kiel gardanto de la eŭropuniaj traktatoj, ĝi priatentas la observon de la komunuma juro, kune kun la Justica Kortumo de Eŭropaj Komunumoj.
- Kiel reprezentanto de la Unio sur la internacia scenejo, ĝi negocas la internaciajn interkonsentojn, esence pri komerco kaj kunlaboro. Atentinde, ke ghi negocas, dum subskribas nur la Konsilio.
La nuna prezidanto de la Komisiono estas José Manuel Durão Barroso; vidu: Komisiono Barroso.
Projekto de EK pri diĝita biblioteko.
