Kálmán Mikszáth

MIKSZÁTH Kálmán (aŭ esperantigite Kolomano; naskiĝis la 16-an de januaro 1847 en Szklabonya; mortis la 28-an de majo 1910 en Budapeŝto) estis hungara verkisto kaj ĵurnalisto.

Li estis parlamenta deputito, korespondanta membro de Hungara Scienca Akademio, membro de Societo Kisfaludy, membro de Societo Petőfi.

En Esperanto aperis

• La ĉevalo, la ŝafideto kaj la leporo. Tradukis Ferdinando Beck. En: Ses noveloj, Budapest 1921, p. 15–20.
• Fantomo en Lubló. Tradukis Jenő Forster. Budapest: Kókai, 1912. 79 paĝoj.
• Fraŭlino el oro. Tradukis Jozefo Horváth. Tyresö: Omnibus, 2002. 56 paĝoj. ISBN 91-7303-171-2.
• La "honesta intenco". Tradukis Paŭlo Balkányi. En: Bonhumoraj rakontoj de nuntempaj verkistoj, p. 4–7.
• La karmemora ŝafido. La praa bieno. Tradukis Eva Farkas kaj János Podani. En: Hungara antologio, p. 121–126.
• Makula tre nigra. Tradukis Jozefo Horváth. Tyresö: Omnibus, 2002. 41 paĝoj. ISBN 91-7303-170-4.
• Romano de du bienetoj. Tradukis Ludoviko Bálint. En: Ses noveloj, paĝoj 9–15.
• La ŝuldo de Anna Bede. Tradukis Sándor Szalay. En: Esperanto Finnlando 8-9/1967.