Kopta Katolika Eklezio
| Kopta Katolika Eklezio | ||
|---|---|---|
| Klasifiko | Kristanismo | |
| Orientiĝo | Katolika | |
| Teologio | Kalcedonia eklezio | |
| Estro | Antonio Nagib (2006-), Patriarko de Aleksandrio, sidejo en Kairo, Egiptio | |
| Geografiaj lokoj | Ŝablono:FlagiconEgiptio, Ŝablono:FlagiconSudano kaj diasporo en la kvin kontinentoj | |
| Fondinto | Sankta Marko laŭ tradicio | |
| Origino | 1741 Aleksandrio | |
| Nombro de membroj | 253 000 (2005), el ili 163 849 en Egiptio (2008)[1][2] | |
La Kopta katolika eklezio estas unu el la Orientaj katolikaj eklezioj.
Origine, la vorto kopto (greke: αιγυπτος "Aigyptos" egipto) signifis loĝanton de Egiptujo, sed nun tempe ĝi signifas specife egiptan kristanon.
La termino katolika (greke: καθολικός "katholikos") signifas "universalan" aŭ "ĝeneralan", kaj estas ekvivalenta al καθόλου ("katholou"), kuntiriĝo de la frazo κατὰ ὅλου ("kata holou"), "laŭ la tutaĵo".
La estro de la Kopta katolika eklezio nomiĝas Kopta katolika patriarko de Aleksandrio; ekde la 30-a de marto 2006, tia posteno estas plenumita de la patriarko Antonio Nagib, kies la oficejo estas en Kairo.
La titolo de "patriarko de Aleksandrio" estas ankaŭ uzata de estroj de tri aliaj eklezioj.
Historio
La eklezio de Aleksandrio ekzistas de apostolaj pratempoj. Ĝi disapartiĝis en du branĉojn post la koncilio de Kalcedonio de 451, la plimulto aliĝis al la ne-kalcedoniaj eklezioj (ekz. la Kopta ortodoksa eklezio), kaj la malplimulto al la kalcedoniaj eklezioj (ekz. la Grek-ortodoksa eklezio de Aleksandrio), kiuj sekvis la doktrinon de la iama koncilio.
Kontaktoj kaj misiaj agadoj de la eklezio de Romo
La kontaktoj de la Romkatolika eklezio kun la Kopta eklezio debutis ekde la 13-a jarcento[3].
Formala unio estis establita, per la subskribo de la dokumento Cantate Domino, de kopta delegacio dum la koncilio de Florenco, la 4-an de februaro 1442. Tiu akto estis sen rezulto, ĉar ĝi ne estis akceptita en Egiptio.
Elekto de la kopta katolika patriarkato
Post diversaj epizodoj, la papo (de Romo), Leono la 13-a, kreis en 1895 la patriarkaton de Aleksandrio por la katolikaj koptoj.
Organizaĵo
La Eklezio estas dividita laŭ sep diocezoj, nomitaj eparkioj. La jena listo respondas al la ordo de la pontifika jarlibro publikita en 2008:
- Eparkio de Kairo kaj de Aleksandrio (patriarka diocezo)
- Eparkio de Beni Suef kaj Miniah
- Eparkio de Asjut
- Eparkio de Saŭhaĝ
- Eparkio de Luksoro
- Eparkio de Ismailija kaj de Port Said
- Eparkio de Gizo
Koptaj servoj pri formado kaj sano
Por la surloka formado de sia klerikaro, la Eklezio posedas la koptan katolikan seminarion Sankta Leono la Granda, en Maadi apud Kairo, kaj la orientan franciskanan seminarion Sankta Cirilo de Gizo. Estas ankaŭ tri virinaj religiaj kongregacioj. La Eklezio zorgas pri hospitalo en Asjut, kelkaj medicinaj dispensarioj kaj diversaj orfejoj.
Rilatoj kun aliaj eklezioj
La Kopta katolika eklezio estas membro de la Mezorienta konsilio de eklezioj[4], kiu estas regiona branĉo de la Monda konsilio de eklezioj.
Vidu ankaŭ
- Katolika Grek-Melkita eklezio
- Grek-Ortodoksa Eklezio de Aleksandrio
- Maronita eklezio
- Romkatolika eklezio
Eksteraj ligiloj
- Oficiala retejo (arabe)
- Paroĥo Nia Dipatrino en Parizo (france) kaj (arabe) inter aliaj, artikolo pri "Egipta Hazardludo" (france), ankaŭ "Intervjuo de Antonio Nagib" (arabe)
- CNEWA - Kopta Katolika Eklezio (angle)
Referencoj
- ↑ [1] (angle)
- ↑ CNEWA – La Kopta Katolika Eklezio (angle)
- ↑ Petit dictionnaire de l'Orient chrétien (§ Église copte catholique), Malgranda vortaro pri la orienta kristanaro, Brepols, Turnhout, 1991, p. 171 (france)
- ↑ Mezorienta Konsilio de Eklezioj (p. 9, # 3 La katolika familio: Youhanna Kolta prezidanto de la Kopta Katolika Eklezio en Egiptio, 2004 (angle)