Luzono

El Vikipedio, la libera enciklopedio
Luzono
insulo [+]

Supermara alteco2 922 m [+]
Koordinatoj16° 0′ N, 121° 0′ O (mapo)16121Koordinatoj: 16° 0′ N, 121° 0′ O (mapo)
- koordinatoj16° 0′ N, 121° 0′ O (mapo)16121Koordinatoj: 16° 0′ N, 121° 0′ O (mapo) [+]
Plej alta punktoMount Pulag [+]
Areo109 965 km² (10 996 500 ha) [+]
Loĝantaro53 336 134 [+] (2015)
HorzonoUTC+08:00 [+]

Luzono (Filipinoj)
Luzono (Filipinoj)
DEC
Map
Luzono
Vikimedia Komunejo:  Luzon (island) [+]
vdr

Luzono estas la nomo de la plej granda kaj plej grava, tiom politike kiom ekonomie, insulo de Filipinoj kaj unu el la tri grandaj grupoj de insuloj de la lando, dum la aliaj du estas Bisajoj kaj Mindanao. Kiel grupo de insuloj inkludas la propra insulo de Luzono, Batanes kaj Babujano norde, la insuloj de Katanduanes, Marinduke, Masbate, Romblono kaj Mindoro sude. La insuloj de Palavano, kiu historie apartenis al la regiono de Luzono, estis transpasata al la Regiono VI Okcidentaj Bisajoj) en 2005.[1]

Mapo de Filipinoj kun Luzono norde

Luzono havas areon de 104.688 km², pro kio ĝi estas la 15a plej granda insulo en la mondo. En ĝi estas kaj la landa ĉefurbo, Manilo, kaj la plej loĝata urbo, Kezonurbo, dum alia tre loĝata urbo estas Baguio. Ĝi enhavas 39.500.000 loĝantojn kaj pro tio estas la kvina insulo plej loĝata de la planedo. Temas pri montara insulo. Okcidente troviĝas la Sudĉina Maro, oriente la Filipina Maro kaj norde la Luzona Markolo.

La plej parto de la insulo estas preskaŭ rektangula krom sudoriente la duoninsulo de Bikolo. Norde de la insulo troviĝas la plej granda montoĉeno de la lando, la Cordillera Central; la monto Pulago troviĝas en ĝi kaj altas 2.923 metrojn. Oriente de la Cordillera Central troviĝas la Valo de Kagajano produktita de la rivero Kagajano, la plej granda rivero de Filipinoj. Oriente de la valo troviĝas la Sierra Madre, unu el la plej longaj montoĉenoj de la lando. Monto Pinatubo estas vulkano situanta en la centro de la insulo Luzono, alta 1486 m (1741 m ĝis 1991, kiam ĝi ekestis grandan erupcion).

Biogeografie la insulo apartenas al la sundalanda-filipina ekoprovinco de la orientalisa ekozono, laŭ la tipologio de la Monda Natur-Fonduso (WWF). La insulo entenas, inter aliaj ekoregionoj, la luzonajn tropikajn pinarojn.

Vidu ankaŭ[redakti | redakti fonton]

Notoj[redakti | redakti fonton]

  1. Zaide, Sonia M., The Philippines, a Unique Nation, paĝo 50