Neu-Isenburg

urba blazono

Neu-Isenburg estas germana urbo en la sudo de la federacia lando Hesio, nur 5 kilometrojn sude de Frankfurto ĉe Majno. Ĝi havas 36.000 enloĝantojn, apartenas al la distrikto Offenbach kaj al la administra distriktaro Darmstadt.

La urbo estas parto de la ekonomia regiono Rhein-Main, kaj la tut-proksimaj aŭtoŝoseoj A 3, A 5 kaj A 661 ligas ĝin al la centraj regionaj urboj Frankfurto ĉe Majno norde, Offenbach nord-oriente kaj Darmstadt sude, kaj ankaŭ al la cetera centra Germanio. Plej multaj aviadiloj de la Flughaveno Frankfurta alteriĝas rekte super la urbo, kio kaŭzas bruon kaj foje iom da vojaĝa odoro je keroseno. Tiujn ĝenojn iom kompensas tre vasta arbaro norde de Neu-Isenburg, kiu invitas je promenoj kaj sportado. Grandan influon en la urba historio cetere havis enmigrintoj el Francio, la Hugenotoj.