Pika rusko

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Pika rusko
Ruscus aculeatus2.jpg
Biologia klasado
Regno: Plantoj Plantae
Klado: Angiospermoj Magnoliophyta
Klado: Unukotiledonaj plantoj Monocotyledones
Ordo: Asparagaloj Asparagales
Familio: Ruscaceae
Genro: Ruscus
Ruscus aculeatus
L.
Aliaj Vikimediaj projektoj
v  d  r
Information icon.svg
Floro de la planto

Pika rusko (Ruscus aculeatus) estas dioika arbusto el familio de asparagacoj (Asparagaceae). Ĝi estas protektata planto en Hungario.

Priskribo[redakti | redakti fonton]

La pika rusko estas plurjara ĉiamverda planto kun alto de ĉ. 50-60 cm. Ĝia tigo estas staranta, abunde disbranĉiĝanta. Ĝin karakterizas modifiĝintaj tigopartoj, la t.n. filokladioj, kiuj estas plataj, ovo-lancetoformaj folisimilaj partoj. Tiuj filokladiumoj longas 1-3 cm, larĝas 10-12 mm, ledecaj, glatrandaj, finiĝas en pika dorno. Ili diferenciĝas de la vera folio en tio, ke sur ĝi kreskas floro kaj frukto. La veraj folioj estas etaj, skvamsimilaj, situas ĉe akselo de la folibranĉoj. La floroj estas etaj, blankaj aŭ helverdaj, ili sidas duope sur bazo de la verdaj brakteoj. La frukto estas 1-2-grajna, karneca, ruĝa bero. La florado okazas en Hungario en marto-aprilo.

Kreskejo[redakti | redakti fonton]

Ĝi kreskas en fagarbaroj, kverkarbaroj kun karpenarboj, karstaj arbustaj arbaroj. Oni uzas ĝin kiel barilon, en Italio kiel balailon. Ĝi estas kelkloke ĝardena ornamo. Oni uzis ĝin pli fure kiel diurezigan drogon (urinad-helpan kuracplanton).