Skorzonero

El Vikipedio, la libera enciklopedio
Saltu al: navigado, serĉo
Skorzonero
Skorzoneroj

Biologia klasado
Regno: Plantoj Plantae
Divizio: Angiospermoj Magnoliophyta
Klaso: Dukotiledonoj Magnoliopsida
Ordo: Asteraloj Asterales
Familio: Asteracoj Asteraceae
Genro: Skorzonero Scorzonera

Skorzonero estas legomo kiu antaŭ la Dua Mondmilito sufiĉe multe estis manĝata en Eŭropo, sed poste malpopulariĝis, eble pro ĝia laborpostuleco. Dum la senŝeligado de la longaj, malhelaj radikoj liberiĝas glueca plantolakto. Pro tio la legomo ricevis la kromnomon kuiristina ĉagreno.

Alia kromnomo estas vintro-asparago (aŭ povrul-asparago): la gusto de la legomo iomete simalas al tio de la asparago. Skorzonero estas tipa vintra legomo, kun la plej granda alportado en februaro.

Post la senŝeligado oni tranĉas la skorzonerojn en pecetojn kaj kuiras ilin kun iom da vinagro por eviti senkoloriĝon. Oni povas eviti la gluecan plantolakton per la portado de kuirejaj gantoj. Ankaŭ oni povas pli facile senŝeligi la skorzonerojn post kuirado.

Nutra valoro[redakti | redakti fonton]

La nutra valoro de 100 g da freŝaj skorzoneroj estas:

Energia valoro 69 kkal / 289
Karbonhidrato 12,5 g
Proteino 1,5 g
Graso 0,5 g
Vitamino C 5 mg
Vitamino B1 0,05 mg
Vitamino B2 0,02 mg
Kalio 400 mg
Kalcio 60 mg
Fero 1,5 mg