Tübach
| Tübach | |||||
|---|---|---|---|---|---|
 | |||||
| komunumo en Svislando | |||||
| |||||
| Kantono | Sankt-Galo | ||||
| Distrikto | Rorschach Sankt-Galo | ||||
| Koordinatoj | 47° 29′ 0″ N 9° 27′ 0″ O / 47.48333 °N, 9.45000 °O (mapo)Koordinatoj: 47° 29′ 0″ N 9° 27′ 0″ O / 47.48333 °N, 9.45000 °O (mapo) | ||||
| Nombro de loĝantoj | 1153 | ||||
| Areo | 1,99 km² | ||||
| Alteco | 415 m super marnivelo | ||||
| Poŝtkodo | 9327 | ||||
| Komunumkodo | {{{kodo}}} | ||||
 | |||||
Pri la komunumo[redakti | redakti fonton]
Tübach estas komunumo en la elektodistrikto Rorschach, Kantono Sankt-Galo, Svislando. Ĝi havis 1153 loĝantojn je la 31-a de decembro 2006.
Geografio[redakti | redakti fonton]
Tübach situas sudeokcidente de la komunumo Horn TG, enklavo de Kantono Turgovio, ĉe la deklivo de Rorschacherberg kaj ofertas bonan vidon al la Bodenlago. Sudoriente de Tübach situas la komunumo Goldach, kies limon kun ĝi formas la rivereto Goldach. En sudokcidento Tübach limas al Mörschwil kaj en nordokcidento al Steinach SG.
Partnerkomunumo[redakti | redakti fonton]
Partnerkomunumo de Tübach estas Oberteuringen en Baden-Virtembergo, Germanio.
Trafiko[redakti | redakti fonton]
Kvankam kaj norde kaj sude de Tübach pasas trajnlinioj de Svisaj Federaciaj Fervojoj la komunumo mem ne disponas pri stacidomo. Per poŝtaŭtobuso ĝi tamen estas bone konektita al la reto de la publika trafiko, kaj ankaŭ la nacia aŭtoŝoseo A1 facile akireblas.
Historio[redakti | redakti fonton]
La unua dokumenta mencio de Tübach datiĝas el la jaro 1206. Dum mezepoko la bienoj en Tübach apartenis al divesaj nobelaj familioj kaj ĉefe al la Monaĥejo Sankt-Galo. Kiel memstara politika komunumo Tübach konstituiĝis en la jaro 1845.
Institucioj[redakti | redakti fonton]
En Tübach troviĝas ek de la 1920-aj jaroj la resaniga centro Mühlheim por alkoholmalsanuloj.
Eksteraj ligiloj[redakti | redakti fonton]
- Oficiala retejo de la komunumo Tübach
- Retejo de la resaniga centro Mühlhof por alkoholmalsanuloj[rompita ligilo]
| ||||||
