Valencio (Venezuelo)

La titolo havas ankaŭ aliajn signifojn, por vidi ilin bonvolu rigardi la apartigan paĝon: Valencio

Valencio (Valencia) estas milionurbo de Venezuelo.

Flago de Valencio

Blazono de Valencio

Ĝi estas la tria plej granda urbo de la lando kaj estas la ĉefurbo de la ŝtato Karabobo (Carabobo).

Bazaj informoj

• Koordinatoj: 10°11′N 68°00′U
• Loĝantaro: 1 385 202 (2005)
• Alto: 520 m super marnivelo.
• Poŝtkodo: 2001
• Telefonkodo: 0241
• Horzono: UTC - 4:30 (ankaŭ somere)

Geografio

Valencio troviĝas en norda parto de la lando en montaro en valo. Okcidente de la urbo troviĝas la Lago Valencio, dua plej granda lago de Venezuelo, laŭ surfaco. Karakaso troviĝas je 180 km-oj.

Panoramo de Valencio

Biblioteko de Valencio

Historio

La loko estis loĝata jam antaŭ Kristo. Valencio estis fondita en 1555 kun la nomo Nueva Valencia del Rey fare de la hispana konkeranto Alonso Díaz Moreno. La fifama konkerinto Lope de Aguirre sieĝis la urbon en 1561, poste francaj piratoj en 1677 fajrodetruis la urbodomon. En 1821 batalo okazis apud la urbo. En 1830 Valencio iĝis la unua ĉefurbo de Venezuelo. En 1892 universitato fondiĝis.

Klimato

En Valencio la ĉiujara averaĝa temperaturo estas 26 °C.

Ekonomio

Valencio estas la plej industria urbo de Venezuelo.

Vidindaĵoj

• kultura centro
• municipa teatro de 1895
• biblioteko
• muzeo pri artoj kaj historio de 1765
• muzeo pri historio kaj antropologio
• urba kaj kultura muzeoj
• bestoĝardeno precipe pri fiŝoj kaj serpentoj

Trafiko

En Valencio metroo kaj diversaj aŭtobusoj trafikas. La internacia flughaveno estas proksime.

Ĝemelurboj

Centra strato en Valencio

• Napolo, Italio
• Valencio (Hispanio), Hispanio
• Sibiu, Rumanio
• Naguanagua, Venezuelo

Eksteraj ligoj

• Valencia en Línea