Akvifoliacoj

Kiel legi la taksonomion

Akvifoliacoj

Biologia klasado

Regno:	plantoj Plantae
Subregno:	trakeofitoj Tracheophyta
Superdivizio:	spermatofitoj Spermatophyta
Divizio:	angiospermoj Angiospermae
Klaso:	dukotiledonoj Magnoliopsida
Subklaso:	asteredoj Asteridae kampanuledoj Campanulidae
Ordo:	akvifolialoj Aquifoliales
Familio:	akvifoliacoj Aquifoliaceae Bercht. & J.Presl ^[1]

Tipa genro

ilekso Ilex
L.

Aliaj Vikimediaj projektoj

Sistematiko en Vikispecioj

Komunejo pri Akvifoliacoj

v • d • r

La akvifoliacoj^[2] (latine Aquifoliaceae) estas planta familio el la dukotiledonaj angiospermoj. Tiu familio apartenas al la ordo akvifolialoj (Aquifoliales). Ĝi enhavas 3 genrojn kaj 480 speciojn^[1]^,^[3]. Ĝia tipa genro estas ilekso^[4], kies malnova sinonimo estas akvifolio^[2] (Aquifolium).

Tiuj plantoj estas arbustoj, arboj, arbedoj de la tropika, subtropika, kontinenta klimato kun difuzaj, ĉiamverdaj, dornaj folioj kaj kun ofte verda ŝelo. La diverstipaj infloreskoj estas ĉiam akselo-lokitaj, la floroj estas unuseksaj, insektopolenitaj.

Taksonomio

Laŭ World Flora Online kaj The Plant List (28 jun. 2020)^[1]^,^[3], jen ĉi-sube la listo de la akceptitaj taksonoj, kaj ties Esperantaj nomoj^[5]:

Angiospermae - angiospermoj
- Aquifoliales Senft - akvifolialoj
  - Aquifoliaceae Bercht. & J.Presl - akvifoliacoj
    - Ilex L. - ilekso^[4]
    - Nemopanthus Raf. - nemopanto
    - Prinos L. - prino

Kelkaj gravaj taksonoj

ilekso:
- ordinara ilekso (Ilex aquifolium) havas brilglatajn, ledecajn, ebenrandajn foliojn kaj brilruĝajn berojn. Ĝi multe uzatas kiel kristnaska ornamaĵo en Eŭropo.
- paragvaja ilekso (Ilex paraguariensis), la folioj uzatas por argentina (paragvaja) teo: la mateo, kultivita ĉefe en la sudaj ŝtatoj de Brazilo kaj ĉefa kaj kulture grava trinkaĵo en Argentino kaj Urugvajo.
- mukronata ilekso (Ilex mucronata) estas falfolia arbusto en marĉoj, arbaroj, indiĝena el orienta Nord-Ameriko montaro. Antaŭe konata kiel Nemopanthus mucronatus (L.) Loes., konata kiel "falsa ilekso", nun retaksonomita;^[6] ĝi tre proksime parencas Ilex amelanchier.^[3]