Korczak Ziółkowski

Korczak Ziółkowski
Persona informo
Naskiĝo	6-an de septembro 1908 (1908-09-06) en Bostono
Morto	20-an de oktobro 1982 (1982-10-20) (74-jaraĝa) en Nigraj Montetoj
Mortokialo	Korinfarkto
Lingvoj	usona angla
Ŝtataneco	Usono
Alma mater	Cambridge Rindge and Latin School (en)
Familio
Edz(in)o	Ruth Ziolkowski (en) (1950–1982)
Infanoj	10
Parencoj	Aleksandra Ziółkowska-Boehm (en) (nevino)
Okupo
Okupo	skulptisto ĉarpentisto
Verkoj	Monumento al Freneza Ĉevalo Monto Rushmore
TTT
Retejo	https://crazyhorsememorial.org/korczak-storyteller-in-stone.html

Korczak ZIÓŁKOWSKI [KORĉak ZJUŬkovski] (naskiĝis la 6-an de septembro 1908 en Bostono, mortis la 20-an de oktobro 1982 en Crazy Horse, Suda Dakoto) estis usona skulptisto poldevena.

Orfigita en la aĝo de du jaroj estis edukito en kelkaj infandomoj. Kvankam li neniam finis artisman lernejon, de la plej junaj jaroj montris grandan skulptartan talenton. Post fino de teknikumo eklaboris kiel ŝipa ĉarpentisto en ŝipfarejo, kie post laborhoroj komencis ankaŭ skulpti lignon, kio donis al li rekonon de kreinto de artismaj mebloj. Lia unua skulptaĵo en marmoro estis busto de financanta lin bostona juĝisto Frederick P. Cabot.

En 1932 translokiĝis al Hartford en la subŝtato Konektikuto, kie komencis profesie skulpti. Jam baldaŭ vendis siajn verkojn en Bostono, Nov-Jorko kaj en teritorio de Nov-Anglio. En 1939 skulptisto Gutzon Borglum proponis al li postenon de asistanto dum kreado de monumenta verko - Kapoj de Prezidentoj en la deklivo de la Monto Rushmore en la Nigra Montaro de Suda Dakoto. La saman jaron lia marmora busto de Ignacy Jan Paderewski gajnis la unuan premion en Internacia ekspozicio en Nov-Jorko.

Dum laborado en la Monto Rushmore venis al li kelkaj estroj de la gento Siuoj kun la demando, ĉu li ne povus krei monumenton omaĝe al indianoj. La estro Henry Standing Bear skribis la li: Ni, estroj, volus, ke la blanka homo eksciu, ke la ruĝa homo ankaŭ havas siajn heroojn.

Ziółkowski tuj alpaŝis ekplani monumenton al Freneza Ĉevalo.