Milo Yiannopoulos
| Milo Yiannopoulos | ||
|---|---|---|
| ||
| Persona informo | ||
| Milo Hanrahan | ||
| Naskiĝo | 18-an de oktobro 1984 (39-jaraĝa) en Kent | |
| Religio | katolika eklezio vd | |
| Lingvoj | angla vd | |
| Ŝtataneco | Unuiĝinta Reĝlando (Britio) vd | |
| Alma mater | Kolegio Wolfson • Universitato de Manĉestro • Simon Langton Grammar School for Boys vd | |
| Profesio | ||
| Alia nomo | Milo Andreas Wagner vd | |
| Okupo | verkisto • poeto • aŭtobiografo • ĵurnalisto • blogisto vd | |
| Laborkampo | ĵurnalismo • blogo • kreiva kaj profesia verkado • politiko • amaskomunikilo vd | |
| Aktiva en | Miamo vd | |
| Aktiva dum | 2007– vd | |
| En TTT | Oficiala retejo vd | |
| vd | Fonto: Vikidatumoj | |
Milo Yiannopoulos (naskiĝis 18-an de oktobro 1984)[1] estas brita ĵurnalisto, entreprenisto, publika parolanto, kaj eksa teknologia redaktoro por Breitbart News, ekstremdekstra novaĵretejo bazita en Usono. Li antaŭe memeldonis poemaron, senatribue kopiita el la tekstoj de kanzonoj de Tori Amos, sub la plumnomo Milo Andreas Wagner.[2][3]
Yiannopoulos konsideras sin kiel "kulturan libertarianon"[4] kaj "parolliberecan fundamentiston", li estas voĉa kritikisto de feminismo, Islamo, politika ĝusteco, kaj aliaj movadoj kaj ideologioj li konsideras esti aŭtoritata. Yiannopoulos estis nomita proparolanto por la alt-right.[5]
Laŭ siaj oponantoj li estas reprezentanto de "la kreskantaj rasismaj kaj novfaŝismaj movadoj de nia tempo" kaj specife "ilo por repaki ilian malamon por iu celgrupo: kiel polemika, laŭmoda, mojosa."[6] Li estis eterne malpermesita de Twitter en julio 2016 pro siaj retĉikanaj kampanjoj kontraŭ rasaj kaj seksaj malplimultuloj.[7][8][9] Diversaj nigrablokaj kontraŭfaŝismaj grupoj manifestaciis kontraŭ Yiannopolous kaj kelkfoje sukcesis nuligi liajn raliojn. Dum tia protesto la 20-an de januaro 2017, ŝatanto de Yiannopolous pafis senarmilan protestanton. La protestanto, kiu membras en IWW, rifuzis procesi sian pafinton, dirante, ke li preferus "dialogon kaj restarigan justecon."[10]
En februaro 2017 Yiannopoulos perdis kontrakton verki libron por la eldonejo Simon and Schuster, jam ricevinta antaŭpagon kvante 250 000 usonajn dolarojn, kaj estis malinvitita de parola rolo en la kunveniĝo de la Konservativa Politika Agada Komitato, pro la reapero de intervjuo el frua 2016, en kiu li porparolis amrilatojn inter adoleskantaj knaboj kaj viroj.[11] En la samaj komentoj li kulpigis la viktimojn de seksa misuzo de infanoj.[11] Tiu skandalo okazis nur du tagojn post kiam Yiannopoulos diris en la televidprogramo de Bill Maher, ke lia publika humiligado kaj celita ĉikanado kontraŭ individua transgenra studantino temis pri volo "protekti virinojn kaj infanojn."[12] Pro la skandalo multaj dungatoj de Breitbart News diris, ke ili pretas rezigni se li ne estos maldungita.[11][13] Anstataŭe, Yiannopoulos elektis mem rezigni pri sia ofico.[14]
En oktobro 2017 posta esploro fare de la ĵurnalisto Joseph Bernstein malkovris, ke Yiannopoulos regule petis blankajn naciistojn, novreakcianojn kaj blanksuperecistojn por ideoj, kiujn lia kaŝverkisto senigis de evidenta rasismo por ŝajnigi ilin pli akceptindaj.[15] La sama artikolo ankaŭ malkovris, ke li havis kaŝhelpantojn en la tiel nomata "maldekstra gazetaro."[15] Tiu esploro eblis ĉar Bernstein akiris la pasvortojn de Yiannopoulos, kiuj rekte referencis Kristallnacht-on kaj la nokton de la longaj tranĉiloj.[15]
Referencoj[redakti | redakti fonton]
- ↑ Incorporation documents – Sentinel Media Ltd at Companies House (page 2)
- ↑ Rouner, Jef, "#GamerGate Journalist Milo Yiannopoulos's Self-Published Poetry Book Contains Unattributed Tori Amos Lyrics", Houston Press, 16 January 2015.
- ↑ Arthur, Charles, "The Kernel sued by former contributors for non-payment", 12-a de septembro 2012. Kontrolita 12-a de septembro 2012.
- ↑ Greer, Scott (13 May 2016). "Milo Yiannopoulos Challenges Mark Zuckerberg To Debate Facebook Censorship", The Daily Caller. Retrieved 21 July 2016.
- ↑ Hunt, Elle (20 July 2016). "#Milo Yiannopoulos, rightwing writer, permanently banned from Twitter", The Guardian. Retrieved 22 July 2016.
- ↑ "Milo Yiannopoulos's enablers deserve contempt – and must be confronted.", The Guardian, 21-an de februaro 2017. Kontrolita 21-an de februaro 2017.
- ↑ Papenfuss, Mary. Ghostbusters star Leslie Jones shuts down website after hacker posts nude photos of her. ibtimes.co.uk (2016-08-25).
- ↑ . Just how offensive did Milo Yiannopoulos have to be to get banned from Twitter? (21 July 2016).
- ↑ Twitter Bars Milo Yiannopoulos in Wake of Leslie Jones’s Reports of Abuse. The New York Times (2016-07-20).
- ↑ "Shooting victim at Milo Yiannopoulos event wants 'dialogue' not charges", The Guardian, 25-an de januaro 2017.
- ↑ 11,0 11,1 11,2 Milo Yiannopoulos Is Having a Very Bad Day. Mother Jones.
- ↑ Larry Wilmore Schools Milo Yiannopoulos: ‘Go F*ck Yourself’. The Daily Beast (18-an de februaro 2017). Alirita 21-an de februaro 2017.
- ↑ Mutiny: Some Breitbart staffers threaten to walk unless site gives Milo Yiannopoulos the boot. Raw Story (20-an de februaro 2017). Alirita 21-an de februaro 2017.
- ↑ "Milo Yiannopoulos has resigned from Breitbart," Bradd Jaffy, NBC News
- ↑ 15,0 15,1 15,2 Joseph Bernstein. Here's How Breitbart And Milo Smuggled Nazi and White Nationalist Ideas Into The Mainstream. Buzzfeed.