Mór Jellinek

Mór Jellinek
Persona informo
Naskonomo	Moritz Jellinek
Naskiĝo	1823 en Ungarisch-Brod (Moravio, Aŭstra Imperio)
Morto	13-an de junio 1883 (1883-06-13) en Budapeŝto
Lingvoj	germana • hungara
Ŝtataneco	Hungario • Aŭstra imperio
Familio
Infanoj	Q61069041 • Arthur Jellinek
Okupo
Okupo	ekonomikisto

Mór Jellinek, laŭ hungarlingve kutima nomordo Jellinek Mór estis hungara ekonomikisto, entreprenisto, negocisto. Lia familia nomvarianto estis Jelinek, liaj personaj nomvariantoj estis Moritz aŭ Móric, lia plej konata filo estis Arthur Jellinek.

Mór Jellinek naskiĝis en 1823 en Ungarisch-Brod (Moravio, Aŭstra Imperio, nuntempa Uherský Brod en Ĉeĥio), li mortis la 13-an de junio 1883 en Budapeŝto.

Biografio

Mór Jellinek devenis el juda familio. Li studis ekonomikon kaj juron en universitatoj de Prago kaj Lepsiko. Influita de lia frato Hermann, li partoprenis en 1848 en la aŭstra revolucio. Li fondis liberalajn (revoluciemajn) periodaĵojn en Brünn kaj Krems. En la fruaj 1850-aj jaroj li venis al Pest (urbo), kie li hungariĝis kaj okupiĝis pri la ekonomio. Baldaŭ li komercadis pri grenoj, eĉ li estis prezidanto de la grena interŝanĝo. Li organizis tribunalon de la interŝanĝa borso. En 1864 li fondis kompanion por ĉevaltira tramo, kies ĝenerala direktoro li restis ĝis sia morto. Tiu kompanio estis ĝermo de la nuna trafikkompanio de Budapeŝto. Li havis edzinon, kiu naskis 4 filojn.

Elektitaj kontribuoj

• Die Israeliten Ungarns auf ökonomischem Gebiete (1859)
• Programm egy combinált mezei gazdasági bizományüzlet iránt (1861)
• Die niedrigen Getreidepreise (1865)

Fontoj

• hungarlingva biografio kun bildoj
• hungarlingva biografio (la koncerna teksto estas legebla en la 3-a punkto)
• hungarlingva biografio
• hungarlingva biografio
• hungarlingva biografio