Aĥsarbek Galazov
Aĥsarbek GALAZOV (osete Галазты Æхсарбек; naskiĝis la 15-an de oktobro 1929, mortis la 10-an de aprilo 2013 en nord-osetia vilaĝo Ĥumalag) estas sciencisto, socia aganto kaj politikisto, eksa prezidento de Nord-Osetio (1994-1998).
De 1961 ĝis 1975 li estis ministro de klerigo en Nord-Osetia Aŭtonoma Respubliko. Inter la jaroj 1976 kaj 1990 li estris la Nord-Osetian Ŝtatan Universitaton.
Skandalo pro "Eĥo de Moskvo"[redakti | redakti fonton]
Komence de novembro 2005 la nomo de Galazov denove aperis en amaskomunikiloj pro skandala mencio de li en programero de moskva radiostacio "Eĥo de Moskvo": li estis en insulta formo menciita fare de tutlande konata ĵurnalisto Leontjev kiel persono, havanta fortan ligon kun brandoprodukta mafio, aginta en Nord-Osetio en la mezo de 1990-aj jaroj.
Post la programero grupo de oset-devenaj intelektuloj turnis sin al la radiostacio, postulante publikan pardonpeton pro la nedeca kulpigo de Galazov.
|
||||||
