Aloe gariepensis

Kiel legi la taksonomion

Garipa aloo

Biologia klasado

Regno:	Plantoj Plantae
Divizio:	Angiospermoj Magnoliophyta
Klaso:	Unukotiledonaj plantoj Liliopsida
Ordo:	Asparagales
Familio:	Asphodelaceae
Genro:	Aloe
Specio:	A. gariepensis

Dunomo

Aloe gariepensis
(Pillans)

Aliaj Vikimediaj projektoj

Sistematiko en Vikispecioj

Komunejo pri Garipa aloo

v • d • r

Garipa aloo (Aloe gariepensis) estas specio en la genro Alooj de la familio asfodelacoj. La specinomo gariepensis venas de la rivero Garipo.^[1]

Priskribo

Ĝeneralaj karakteroj

Aloe gariepensis estas sentiga aŭ mallongatiga kaj elkreskas plej ofte unuope, multfoje branĉas kaj formas do aretojn. La tigo estas stara aŭ kuŝa kaj ĉe unuope kreskintaj plantoj ĝis 1 metron longa. Ĝi estas ŝarĝita per la restaĵoj de mortintaj folioj. La lancoformaj pintofiniĝaj folioj formas densajn folirozedojn. Iliaj malhelverdaj ĝis ruĝbrunaj foliplatoj longas 30-40 centimetrojn kaj larĝas 5-8 centimetrojn. Sur la iom linihava folisurfaco povas vidiĝi blankaj makuloj. La pikaj, ruĝbrunaj dornoj sur la horneca folirando estas 2-3 milimetrojn longaj kaj malproksimas proksimume 10 milimetrojn unu de la alia.

Floraroj kaj floroj

La simplaj floraroj estas 80-120 centimetrojn longaj. La densaj, mallarĝacilindraj pintofiniĝaj grapoloj estas 35-50 centimetrojn longaj kaj 7 centimetrojn larĝaj. La lancoformaj brakteoj havas longon de proksimume 25 milimetroj kaj estas 8 milimetrojn larĝaj. En la burĝona etapo ili estas tegole aranĝitaj. La kutime flavaj aŭ verdflavaj floroj staras sur 15-20 milimetrojn longaj flortigoj. La burĝonoj malofte estas ruĝecaj. La floroj longas 23-27 milimetrojn kaj estas rondaj ĉe la bazo. Ili larĝiĝas en la direkto de malfermo. Iliaj tepaloj ne estas kunkreskintaj. La stamenoj kaj karpeloj elstaras 5-6 milimetrojn de la floro.

Arealo

Garipaj alooj kreskas en Namibio kaj la sudafrika provinco Norda Kablando sur rokaj deklivoj.

Sistematiko

La unua priskribo estis publikigita en 1933 de Neville Stuart Pillans.^[2] Sinonimo estas Aloe gariusiana Dinter (1928, nom. inval. ICN, artikolo 32.1c).

Fontoj

Bibliografio

Susan Carter, John J. Lavranos, Leonard E. Newton, Colin C. Walker: Aloes. The definitive guide. Kew Publishing: Royal Botanic Gardens, Kew, 2011. p. 259.
Leonard Eric Newton: "Aloe gariepensis". En Sukkulenten-Lexikon. Einkeimblättrige Pflanzen (Monocotyledonen), eld. Urs Eggli. Eugen Ulmer: Stuttgart, 2001. p. 139–140.

Referencoj

↑ Urs Eggli, Leonard E. Newton: Etymological Dictionary of Succulent Plant Names. Springer, Berlin/Heidelberg 2010, ISBN 978-3-642-05597-3, p. 91.
↑ South African Gardening. Vol. 23, 1933, p. 213.

Ligiloj

Red List of South African Plants
Foto Arkivigite je 2016-10-18 per la retarkivo Wayback Machine
Foto de folirozedo

[1] Urs Eggli, Leonard E. Newton: Etymological Dictionary of Succulent Plant Names. Springer, Berlin/Heidelberg 2010, ISBN 978-3-642-05597-3, p. 91.

[2] South African Gardening. Vol. 23, 1933, p. 213.

[1]

[2]