Andrej Korobejnikov
| Andrej Korobejnikov | |
|---|---|
| |
| Persona informo | |
| Naskiĝo | 10-an de julio 1986 (38-jaraĝa) en Dolgoprudnij, Moskva provinco, Rusio |
| Lingvoj | Esperanto • rusa • angla • itala |
| Ŝtataneco | Rusio 
|
| Okupo | |
| Okupo | pianisto esperantisto
|
Andrej KOROBEJNIKOV (ruse Андрей Коробейников) (naskiĝis la 10-an de julio 1986[1] en Dolgoprudnij, Moskva provinco, Rusio) estas rusa pianisto kaj esperantisto. Li akiris multajn premiojn kaj faras tutmondan karieron kun multaj koncertoj sur ĉiuj kontinentoj.
En la aĝo de kvin jaroj li komencis ludi pianon.
Li parolas la rusan, la francan, la anglan kaj Esperanton. Antaŭ 2006 li partoprenis Universalajn Kongresojn, ludis la melodion de la himno kaj partoprenis en Internacia Arta Vespero. En 2006 en Florenco li donis koncerton kiel solisto. Li ludis parkere dum preskaŭ du horoj.
En 2000 li estis elektita kiel dumviva membro de la arta fako ĉe Akademio Internacia de la Sciencoj en San-Marino. En 2022 li koncertis en Waterloo, Belgio kaj dediĉis la duan etudon de Aleksandr Skrjabin al la 'nekulpaj viktimoj de la milito en Ukrainio".[2] Krom sia denaska lingvo, la rusa, li parolas la anglan, italan kaj Esperanton.[1]
Andrej Korobejnikov donis sian unuan profesian solludan recitalon en la aĝo de 8 ĉe la Granda Halo de la Bakua Ŝtata Akademio de Muziko en Azerbajĝano. Ekde tiam li prezentis koncertojn en pli ol 45 landoj de la mondo.[1]
Fakuloj diras, ke li atingas la kapablon de alia fama rusa pianisto Svjatoslav Richter.
Eksteraj ligiloj
[redakti | redakti fonton]- intervjuo kun li okaze de la UK 2003 en Gotenburgo (esperante)
- prezento de li en retejo de la Teatro Mariinskij, arkivigita je la stato de decembro 2023 (esperante)
- oficiala paĝo en la retejo Facebook
- Jutuba kanalo de Andrej Korobejnikov
Referencoj
[redakti | redakti fonton]- ↑ 1,0 1,1 1,2 Andrei Korobeinikov (Piano), bach-cantatas.com (angle)
- ↑ Ĉu UEA perdas sian rusan landan asocion? https://esperantio.net/index.php?id=4825, kaj Heroldo de Esperanto, p. 1, n-ro 8 (2347) aŭgusto 2023 (esperante)