Antonius Gerardus Johannis van Straaten

El Vikipedio, la libera enciklopedio
Jump to navigation Jump to search
Antonius Gerardus Johannis van Straaten
Personaj informoj
Naskiĝo 6-an de decembro 1887 (1887-12-06) (130-jara)
Profesio esperantisto
Lingvoj Esperanto
v  d  r
Information icon.svg

Antonius Gerardus Johannis van STRAATEN (naskiĝis la 6-an de decembro 1887 en Vianen) estis nederlanda lernejestro kaj profesoro de la angla lingvo en Nimego.

Van Straaten estis verkinto kaj gvidanto de la skriba Esperanto-kurso eldonita de Centra Esperanto-Propaganda Kominiono. La unua eldono estis en 1925. La kurso konas ĉiujare novan eldonon, ĉiuokaze ĝis 1933. La kurso ankaŭ estis uzata en radiaj elsendoj.

La Esperanto-vortaroj de van Straaten[redakti | redakti fonton]

Li verkis vortaron Esperantan-Nederlandan (134 paĝoj) kaj Nederlandan-Esperantan (554 paĝoj), kiun eldonis W. J. Thieme & Cie en Zutphen en 1933.

En 1936 aperis ĉe la sama eldonejo lia Beknopt Esperanto-Woordenboek (esperante: Konciza Esperanto-Vortaro) en sama formato. La unua parto Esperanto-Nederlanda ampleksas 219 paĝoj, dum la dua parto alidirekto iom malpli ol 500 paĝoj. Malgraŭ la titolo, la direkto Esperanto-Nederlando do forte kreskis, kaj nur la alia direkto iom malkreskis. Al ambaŭ (aŭ pli precize al ĉiuj kvar) verkoj li nur enkondukas per tre magraj vortoj kaj precipe ne malkaŝas siajn kunlaborintojn aŭ fontojn. La vortaroj ankaŭ ne indikas, ĉu Esperanta radiko apartenas al la Fundamenta Vortaro aŭ la tiamaj Oficialaj Aldonoj. Por konstati, ĉu kaj kiugrade li ĉerpis el aliaj vortaroj (ekzemple la Plena Vortaro de Esperanto de 1930 aŭ 1934, aŭ el vortaroj de najbaraj lingvoj kiel la germana, angla aŭ franca), ankoraŭ necesus detala studo.

Eksteraj ligiloj[redakti | redakti fonton]

Vidu ankaŭ[redakti | redakti fonton]