Arĥito

El Vikipedio, la libera enciklopedio
Salti al navigilo Salti al serĉilo
ArĥIto

Arĥito (greke Ἀρχύτας -Arĥitas) (428–365 a.K.) estis antikva greka matematikisto, filozofo, politikisto, astronomo. Li onidire savis vivon de Platono, kiam la filozofon mort-juĝis la tirano de Sirakuzo, Dionizo.

Li naskiĝis en la greka kolonio, Taranto (hodiaŭ en Italio). Li sistemigis unuafoje la matematikon, fondis la matematikan meĥanikon kaj logikon. La voĉalton li konektis al moviĝo de la vibranta aero.

Laŭ verko de Aŭlo Gelio, Arĥito estis la unua, kiu aplikis en la praktiko la leĝojn de la meĥaniko kaj matematiko: onidire, li konstruis "lignan kolombon", kiu kapablis flugi.