Céret

	Céret
	katalune: Ceret, esperante: Sereto
	komunumo
	Vido de la urbo
	Blazono
	Blazono
Regno	Francio
Regiono	Langvedoko-Rusiljono
Departemento	Orientaj Pireneoj (Pirenèus Orientals/Pyrénées-Orientales)
Arondismento	Céret
Kantono	Céret
Interkomunumreto	Communauté de communes; du Vallespir
Rivero	Tech
Situo	Céret
- koordinatoj	42° 29′ 21″ N 2° 45′ 8″ O / 42.48917 °N, 2.75222 °O (mapo)
Plej alta punkto
- alteco	1 440 m s. m.
Plej malalta punkto
- alteco	107 m s. m.
Areo	37,86 km² (3 786 ha)
Loĝantaro	7 747 (2016)
Denseco	204,62 loĝ./km²
Urbestro	Alain Torrent; 2008-2014
Horzono	MET (UTC+1)
- somera tempo	MET (UTC+2)
Poŝtkodo	66400
INSEE	66049
	Situo de Céret kadre de Francio Situo de Céret kadre de Francio
	Vikimedia Komunejo: Céret
	Retpaĝo: www.ceret.fr
	Laŭloka nomo : Cérétan

Koordinatoj: 42° 29′ 21″ N 2° 45′ 8″ O / 42.48917 °N, 2.75222 °O (mapo)

Céret (katalune Ceret, esperante Cereto) estas malgranda urbo en suda Francio kun 7 747 loĝantoj (stato je 216-01-01).^[1] Ĝi situas rande la monto-piedo de Pic du Canigou en la departemento Orientaj Pireneoj (Département Pyrénées-Orientales) en la regiono Langvedoko-Rusiljono (Languedoc-Roussillon), ĉirkaŭ 35 kilometrojn sudokcidente de Perpinjo (Perpignan) kaj ĉirkaŭ 180 kilometrojn norde de Barcelono en la valo de la rivero Tech.

Geografio

Najbaraj komunumoj

Ĉirkaŭ **Céret**
Oms	Vivès	Saint-Jean-Pla-de-Corts
Reynes		Maureillas-las-Illas
	Maçanet de Cabrenys

Etimologio

La nomo Cereto laŭdire venas de Ceretani (Iberoj). La loĝantoj france nomiĝas les Cérétans. Etimologie parenca ankaŭ estas la kataluno nacia danco sardano, kiu pli frue nomiĝis La Ceretane.

Vidindaĵoj

En Cereto troviĝas la mezepoka "Ponto de l' Diablo" (Pont du Diable (Céret)), kiu estis la plej granda ponto de la mondo en la 14-a jarcento kun arko-larĝo de 45,45 m.

Historio

La urbo apartenis al Hispanio ĝis la traktato de la Pireneoj 1659, poste ĝi estas franca.

Demografio

Loĝantara evoluo
1793	1800	1806	1831	1836	1841	1846	1851	1856
1 754	2 181	2 517	3 251	3 302	3 313	3 519	3 586	3 488

Loĝantara evoluo, daŭrigo (1)
1861	1866	1872	1876	1881	1886	1891	1896	1901
3 585	3 737	3 708	3 629	3 777	3 818	3 828	3 766	3 840

Loĝantara evoluo, daŭrigo (2)
1906	1911	1921	1926	1931	1936	1946	1954	1962
3 841	3 921	4 472	4 918	5 052	5 118	5 148	5 091	5 421

Loĝantara evoluo, daŭrigo (3)
1968	1975	1982	1990	1999	2006	2009	2010	-
5 438	5 987	6 798	7 285	7 291	7 568	7 675	7629	-

Fontoj: CASSINI^[2] kaj INSEE^[3]

Arto

De 1909 Cereto fariĝis centro de francaj kaj hispanaj kubistoj. Nuntempe la urbeto havas konatan muzeon de moderna arto kun ĉirkaŭ 700 pentraĵoj kaj desegnaĵoj, i.a. de Pablo Picasso, Henri Matisse, Marc Chagall, Joan Miró, Jean Cocteau, Raoul Dufy, Juan Gris, Aristide Maillol, Ĥaim Sutin, André Masson, Manolo Martínez Hugué, Auguste Herbin k.a.

Esperanto

En 1904 Paul Berthelot fondis la asocion Espero Kataluna en Cereto. En 1905 Berthelot fondis la propagandan gazeton "Esperanto" en la urbeto, kiu en 1908 fariĝis la organo de Universala Esperanto-Asocio. Post lia foriro en 1906 la ĉefaj aktivuloj por Esperanto en Cereto estis Thérèse Julia kaj ŝia edzo.

Okaze de la eŭropaj balotoj, Eŭropo - Demokratio - Esperanto ricevis 5 voĉdonojn (0,20 % de voĉoj) en 2004, kaj 6 voĉdonojn (0,25 % de voĉoj) en 2009.