Camille Flammarion

El Vikipedio, la libera enciklopedio
Salti al navigilo Salti al serĉilo
Camille Flammarion
Camille Flammarion.003.jpg
Personaj informoj
Naskonomo Nicolas Camille Flammarion
Naskiĝo 26-an de februaro 1842 (1842-02-26)
en Val-de-Meuse
Morto 3-an de junio 1925 (1925-06-03) (83-jara)
en Juvisy-sur-Orge
Ŝtataneco Francio
Profesio astronomo, verkisto, balonisto, sciencfikcia verkisto
Lingvoj franca lingvo
Verkaro Koprník a soustava světová
Familianoj
Edz(in)o Gabrielle Renaudot Flammarion
Frat(in)o Berthe Martin-Flammarion
v  d  r
Information icon.svg

Camille Flammarion, aŭ Nicolas Camille Flammarion, (Montigny-le-Roi, la 26-an de februaro 1842Juvisy-sur-Orge, la 3-an de junio 1925), estis franca astronomo, scienca esploristo kaj sciencpopulariganto.

La plej aĝa inter kvar gefratoj, li tre frue jam scipovis legi, skribi kaj kalkuli. Edukita en Langres, li eklaboris 16-jara en la Observatorio de Parizo, en kalkul-fako de Le Verrier. En 1862, per la publikigo de sia libro La pluralité des mondes habités (La plureco de loĝataj mondoj) li disiĝis de la oficialaj astronomiaj instancoj.

Li verkis furorajn librojn pri astronomio, kiuj tradukiĝis en plurajn lingvojn. Unu el la verkoj plej konataj estas "Popola Astronomio" (1880). Li publikigis artikolojn en sciencaj kaj astronomiaj revuoj. Li verkis ankaŭ pri fizikaj esploroj. En 1883, li kreis la Observatorion de Juvisy-sur-Orge, kiun li estris ĝis la morto. Li instigis la laboron de amatoraj astronomoj.

Li fondis la Astronomian Societon de Francio en 1887. Pro multjaraj servoj, en 1912 li ricevis la Honoran Legion.

Camille Flammarion estas konata kiel esploristo de fenomenoj spiritaj, kun vasta produktado. En diskurso ĉe la parapsikologia asocio Society for Psychical Research en 1923 li asertis, ke post 60 jaroj de propra esplorado, li kredis je telepatio kaj mediumaj manifestiĝoj. Li ankaŭ membris ĉe la Pariza Societo de Spiritismaj Studoj kaj Teozofia Societo.

Flammarion ĉe sia teleskopo Bardou en la Observatorio de Juvisy (1880-aj jaroj)

Bibliografio[redakti | redakti fonton]

CARNEIRO, Victor Ribas. ABC do Espiritismo (5a. ed.). Curitiba (PR): Federação Espírita do Paraná, 1996. 223p. ISBN 85-7365-001-X p. 51-54.

GODOY, Paulo Alves; LUCENA, Antônio. Personagens do Espiritismo (2ª ed.). São Paulo: Edições FEESP, 1990

Eksteraj ligiloj[redakti | redakti fonton]

La Nacia Franca Biblioteko (Bibliothèque Nationale de France) havas la plejmultajn verkojn (en la franca) de Flammarion, en formato PDF.