Esperanto-konkurso (radioamatora)

El Vikipedio, la libera enciklopedio
Saltu al: navigado, serĉo

La Esperanto-konkurso por radioamatoroj estas organizita de ILERA, la internacia ligo de esperantistaj radioamatoroj.

La unua Esperanto-konkurso okazis en 1977. Ĝi estis organizita de DJ4PG. Dum la lastaj jaroj DL1CC okupis pri ĝi. Post la UK en Nitro nun DJ4PG denove okupas pri ĝi.

Celoj[redakti | redakti fonton]

Ni volas

  • pliigi la aktivecojn je la amatoraj bendoj
  • plie uzi nian lingvon, praktiki ĝin dum oftaj kontaktoj. Per tio ankaŭ plibonigi la kvaliton de la uzata lingvo.
  • montri la bonan funkcion de nia lingvo al aliaj radioamatoroj.

La konkurso donas multe pli bonan ŝancon ol normalaj tagoj, atingi Esperanto-staciojn. Se oni partoprenas dum kelkaj horoj, oni povas dum unu semajnfino atingi la necesajn kontaktojn por la unua grado de la Esperanto-diplomo. Dum la dua duono de la konkurso intensa babilado estas rekomendata. Ni uzu la okazon!

Por atingi multajn Esperanto-staciojn, estas rekomendinde enŝalti Echolink, angle ECHOLINK, por tie ricevi informojn, en kiuj frekvencoj en mallongaj ondoj aktuale aktivas samideanoj. En la artikolo Eĥolink atentu speciale la alineon Alarm-listo. Se vi enmetis ĉiujn al vi konatajn Eo-voksignojn en vian Alarm-liston, la programo montras tuj je la ekrano, se iu de ili aperas.

Ankaŭ en la "DX-cluster" vi eble trovos informojn pri aktivaj Esperanto-stacioj.

La reguloj:[redakti | redakti fonton]

  • dato: Ĝi okazas ĉiujare dum la tria sabato de novembro plus sekvanta dimanĉo.
2017-11-18 + 19 
  • tempo: sabato 00:00 UT ĝis dimanĉo 23:59 UT
  • permesitaj frekvencoj: ĉiuj radioamatoraj frekvencoj plus ECHOLINK

Estas permesataj nur rektaj konektoj en la frekvencoj, do ne la uzo de ripetiloj. Pri ECHOLINK estas neniuj limigoj.

  • lingvo: La uzo de Esperanto estas preferata, sed ankaŭ la naciaj lingvoj estas permesitaj.
  • dum ĉiu kontakto interŝanĝu raportojn kun RS(T) kaj sinsekva numero
  • La kontaktoj estu listigitaj en taglibro kun indiko de dato, tempo en UT, voksigno, frekvenco aŭ bendo aŭ EL, raporto donita, raporto ricevita. La raportoj estu donitaj en la formo RS(T)+ vicnumero.

Ekzemplo de taglibro:

 2000-11-21 09:12 F9ED  14.266  59001       59007
            09:14 PT2CA 14.266  449002      599001
            09:17 F9ED     EL   59003       59008
  • poentoj: Validas unu poenton ĉiu kontakto, por ĉiu voksigno, ripeteblaj en ĉiuj bendoj.

Pliajn informojn vi trovas en nia Yahoo-grupo:

en la grupo uzu la serĉvorton "konkurso"

Rekomendoj:[redakti | redakti fonton]

Frekvencoj: por havi pli altan ŝancon trovi samideanojn, estas rekomendite uzi la t.n. ILERA-frekvencojn kaj najbarajn. Tiuj estas:

  • 3,766 MHz
  • 7,066 MHz,
  • 14,266 MHz,
  • 21,266 MHz,
  • 28,766 MHz.

Pri frekvencoj por morsado bv. vidi en nia Yahoo-grupo.

  • Voku en Esperanto: "iu ajn, iu ajn, iu ajn, jen vokas voksigno" ktp. Speciale dum intermikso aŭ malfortaj signaloj tia alvoko povas esti bone identigita.

sendu vian raporton[redakti | redakti fonton]

Taglibron kun viaj rezultoj sendu ene de unu monato al la prizorganto DJ4PG. Aldonaj informoj pri lingvo de la kontakto, adiciado de landoj, stacioj k.a. estas bonvenaj.

Adreso: Hans B. Welling, zum Ortenbrink 42, DE-49205 Hasbergen, Germanio.

perrete al: dj4pg ĉe t-online.de