Flaveta brunelo

Kiel legi la taksonomion Brunelo flaveta
Prunella laciniata: infloresko
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonoj Magnoliopsida Ordo: Lamialoj Lamiales Familio: Lamiacoj Lamiaceae Genro: Brunelo Prunella Specio: Brunelo flaveta
Dunomo
Prunella laciniata
Aliaj Vikimediaj projektoj

Brunelo flaveta (Prunella laciniata L., 1763) estas specio el la genro Brunelo (latine Prunella) kaj el la familio Lamiacoj. Brunelo flaveta estas plurjara planto, de 5-30 cm. Ĝi similas la specion Brunelo ordinara sed la tuta planto estas pli dense harkovrita.

Folioj: ili paras, aspektas baze elipse longaj kaj ekde la mezaj plumforme kun foje longaj kaj stretaj dentoj. La bazaj folioj pli oftas kaj pli longas ol la supraj. Ili posedas petiolon. La superaj folioj ĉirkaǔas la tigon.

baza folio de Prunelo flaveta

Infloresko: ĝi estas cilindra spiko tutsupre de la tigo. Bone vidiĝas verticilaj brakteoj subtenantaj la kalikon. La sepaloj dividiĝas en du partoj, la supra, larĝa kun pintetoj borde ruĝaj, la subaj dupintaj.

floroj kaj sepaloj de Brunelo flaveta

Kaliko: ĝi dense harkovratas; la korolo, flaveta aǔ blanketa, larĝas je 15 mm. Pro ofta hibridiĝo kun la Brunelo ordinara, ĝi eĉ povas ricevi iomete da violkoloro. La supera lipo posedas tri dentojn apenaǔ videblajn, kies meza tre larĝas. La suba lipo fendiĝas ĝis la mezo, formante du lobojn forte ciliajn.

Vivmedio: aridaj kaj sekaj lokoj, ĉefe kalkaj, en Eǔropo, okcidenta Azio kaj Nordafriko.

Florado: junio-aǔgusto.