Fritt Ord (organizaĵo)

El Vikipedio, la libera enciklopedio
Salti al navigilo Salti al serĉilo
Fritt Ord
tipo fondaĵo
agareo amaskomunikiloj
fondodato 1974
sidejo Oslo, Norvegio
buĝeto 307 milionoj da norvegaj kronoj (en 2004)
Retejo www.frittord.no
v  d  r
Information icon.svg

Fritt Ord (norvege, en Esperanto laŭvorte "Libera Vorto", laŭsence "libereco de esprimo", en propra traduko al la angla "freedom of expression") estas norvega privata fondaĵo, kies celo estas subteni liberecon de esprimo kaj libera gazetaro. Ĝi estis establita la 7-an de junio 1974 fare de la entreprenistoj Jens Henrik Nordlie kaj Finn Skedsmo kaj per la advokato Jens Christian Hauge.

La fondaĵo havas signifajn financajn rimedojn kaj ludas rolon en subteno de diversaj projektoj en Norvegio, kiel investo en la ĉiusemajna matena gazeto Morgenbladet, subteno de la leksikono Store Norske Leksikon kaj teno de 10.1-procentaĵa proprieto en la amaskomunikila firmao A-Media. Krome ĝi aljuĝas stipendiojn al studentoj de amaskomunikilaro kaj ĵurnalismo, aljuĝas la internacian premion "Fritt Ord", kaj subtenas konkursojn por verkistoj.

La organizaĵo aljuĝas tri ĉiujarajn premiojn por subteni liberecon de parolo; la "premion Fritt Ord" (norvege: Fritt Ords pris), la "honoran premion Fritt Ord" (norvege: Fritt Ords honnør) kaj - komune kun la fondaĵo de la germana gazeto Die Zeit - la gazetarajn premiojn por Rusio kaj Orienta Eŭropo (norvege: Pressepriser for Russland og Øst-Europa).

Eksteraj ligiloj[redakti | redakti fonton]