Gajary

Gajary [gajari], hungare Gajar, germane Gayring estas vilaĝo en Slovakio, en Regiono Bratislavo, en Distrikto Malacky. La loĝloko situas rekte ĉe la limo inter Slovakio kaj Aŭstrio. Rekte najbaras la aŭstraj komunumoj Jedenspeigen kaj Dürnkrut.

Situo[redakti | redakti fonton]

Gajary situas sur ebenaĵo laŭ maldekstra bordo de Morava, laŭ traira flankovojo kaj troviĝas de Malacky je 8 km-oj.

La loko estis loĝata jam dum la neolitiko. Supozeble peĉenegoj fondis la vilaĝon en la 10-a jarcento. La unua mencio okazis pri la loko en 1373. Ĝi longe estas doganprena loko. Dum regado de Leopoldo la 1-a la komunumo iĝis kampurbo. En 1828 loĝis en la urbeto 2852 loĝantoj en 381 domoj. En 1910 laŭ la popolnombrado vivis en Gajar 3847 homoj, (3567 slovakoj, 147 germanoj). Ĝis Traktato de Trianon la komunumo apartenis al Hungara reĝlando, al Pozsony, al distrikto de Malacka, poste al Ĉeĥoslovaka respubliko, dum la 2-a mondmilito kaj ekde 1993 al Slovakio. En 2001 vivis en Gajary 2690 homoj, (2607 slovakoj).