Gerhard Rühm

El Vikipedio, la libera enciklopedio
Salti al navigilo Salti al serĉilo

Gerhard RÜHM [GERhard RIM] estas aŭstra verkisto kaj komponisto. Li naskiĝis je la 12-a de februaro 1930 en Vieno. Li studis la fakojn komponadon kaj pianon en Vieno. Ekde la komenco de la 50-aj jaroj li okupiĝis pri sonopoemoj, parol-tekstoj, vidadrilata poezio, fotomuntaĵo kaj kaligramoj. Kun Friedrich Achleitner, H. C. Artmann, Konrad Bayer und Oswald Wiener Rühm estis kunfondinto de la "Viena Grupo", kuniĝo de aŭstraj verkistoj. Stimulintoj de lia arto estis interalie August Stramm, Kurt Schwitters kaj Gertrude Stein. Parto de lia laboraĵo montras juntojn kun la Konceptarto, ekz. la ekstremkurtaj sonaĵoj. Lia verko estas honorita per multaj dekoracioj.

En 2008 Gerhard Rühm verkis por trapasejo en la viena muzeo MuseumsQuartier la sono-instalaĵon Paradiesische Passage (Paradiza Trapasejo) kun tekstoj en Esperanto (radio versio aŭdebla rekte).

Eksteraj ligiloj[redakti | redakti fonton]

  • Paradiza Trapasejo [1]
  • Gebet (preĝo) [2]
  • Abel & Kain [3]
  • Komplex 10 [4]
  • Phonetische Meditation [5]
  • Zensurierte Rede [6]