Hebrea Universitato de Jerusalemo

El Vikipedio, la libera enciklopedio
Saltu al: navigado, serĉo

31°46′33″N 35°12′00″E  /  31.77583°N, 35.2°O / 31.77583; 35.2 (Hebrea Universitato de Jerusalemo)

האוניברסיטה העברית בירושלים
Hebrea Universitato de Jerusalemo
altlerneja tipo: publika universitato
rektoro: Menaĥem Magidor
fondojaro: 1918
urbo: Jerusalemo
fakultatoj: 15
studentoj: ĉ. 20 000
adreso: Mt. Scopus
Jerusalem 91905
Israelo
retaj paĝoj: http://www.huji.ac.il
La malferma ceremonio en Monto Scopus - 1925
o hospital universitário em Mount Scopus - 1934
HebrewU-MtScopus.JPG

La Hebrea Universitato de Jerusalemo (hebree האוניברסיטה העברית בירושלים, ha'universita ha'ivrit biruŝalajim; arabe جامعة العبرية في القدس) estas la plej signifa altlernejo de la ŝtato Israelo kaj havas tutmondan renomon.

Historio[redakti | redakti fonton]

Dum la jaro 1918 la universitato formale fondiĝis. La ideo, fondi judan universitaton en la urbo Jerusalemo, jam ekestis en la unua Cionisma Monda Kongreso en Bazelo kaj reklamiĝis dum la jaro 1902 en informiloj de Chaim Weizmann, Martin Buber kaj Berthold Fejvel . Ankaŭ la germandevena juda fizikisto Albert Einstein estis inter la subtenantoj de tia universitato. Li heredis siajn verkojn kaj posedaĵojn al la universitato. La terenon por la estonta universitato ĉe la monto Skopus de Jerusalemo aĉetis rusaj cionistoj. La universitato inaŭguriĝis la 1-an de aprilo 1925 kun la tri fakultatoj mikrobiologio, kemio kaj judismo.

Dum la 30-aj jaroj de la 20-a jarcento la universitato akceptis multajn judajn sciencistojn el Germanio kaj la resto de Mezeŭropo, kiuj devis fuĝi de la hitlera reĝimo. Dum la "milito pri sendependeco" de la jaroj 1948 kaj 1949 la monto Skopus izoliĝis de la resto de la juda parto de Jerusalemo kaj la universitataj prelegoj devis okazi en provizoraj ejoj. Tiucele kreiĝis la kampusoj Givat Ram kaj Ein Kerem en la okcidento de Jerusalemo. Nur dum la jaro 1967, post kiam la israela armeo dum la Ses-taga Milito okupis la tutan teritorion de Jerusalemo, la universitata kampuso sur la monto Skopus remalfermiĝis, ampleksiĝis kaj hodiaŭ estas la centro de la universitato. Al la universitato ankaŭ apartenas la agronomia fakultato en Reĥovot.

Fakultatoj[redakti | redakti fonton]

La Hebrea Universitato kovras preskaŭ ĉiujn areojn de naturaj kaj sociaj sciencoj. Ekzistas 7 fakultatoj, 14 fakoj kaj 90 esploraj institutoj. Ekde la fondo de la universitato pli ol 95.000 studentoj diplomiĝis. Momente proksimume 20.000 studentoj prepariĝas por siaj diplomoj. Pliaj 10.000 partoprenas programojn pri aldonaj studoj.

La Nacia kaj Universitata Biblioteko de la ŝtato Israelo, kiu konsistas el proksimume 5 milionoj da libroj, troviĝas sur la kampuso Givat Ram. Tie kolektiĝas pli da libroj en la hebrea lingvo ol ie alie en la mondo. La biblioteko havas monumentajn fenestrojn de la artisto Mordeĥaj Ardon.

Konataj profesoroj, kiuj ricevis Nobel-Premion[redakti | redakti fonton]

Galerio[redakti | redakti fonton]

Eksteraj ligiloj[redakti | redakti fonton]