InterRail

El Vikipedio, la libera enciklopedio
Salti al navigilo Salti al serĉilo

InterRail estas internacia trajna bileto, kiu ebligas vojaĝadon tra tuta Eŭropo. Vojaĝantoj, kiuj ankoraŭ ne havis 26 jarojn, rajtas uzi rabatitajn biletojn.

Interrail estis origine celis instigi gejunulojn esplori Eŭropon per la fervojoj (inkluzive de certaj pramŝipaj itineroj) sed intertempe Interrail haveblas por ĉiuj aĝoj. Ĝi ankaŭ taŭgas por mallongaj vojaĝoj, de nur kvin tagoj. Ekzistas ankaŭ Eurail-bileto nur havebla por civitanoj kiuj oficiale rezidas ekster Eŭropo.

Tipoj de biletoj InterRail[redakti | redakti fonton]

Ekzistas du tipoj de InterRail biletoj: Global Pass (Internacia bileto por trideko da landoj) kaj One Country Pass (bileto por unu lando)

Global Pass validas en ĉiuj 30 landoj kaj je trajekto inter Italio kaj Grekio, en kiuj validas oferto One Country Pass.

Global Pass oni povas aĉeti por vojaĝado en tuta Eŭropo dum:

  • 5 tagoj, tiu ĉi bileto validas 10 tagojn (do oni povas elekti dum 10 tagoj sume 5 tagojn de vojaĝado).
  • 10 tagoj, tiu ĉi bileto validas 22 tagojn.
  • 15 tagoj, tiu ĉi bileto validas 15 tagojn.
  • 22 tagoj, tiu ĉi bileto validas 22 tagojn.
  • unu monato, tiu ĉi bileto validas unu monaton.

Global Pass validsas en jenaj landoj: Aŭstrio, Belgio, Bosnio kaj Hercegovino, Britio, Bulgario, Ĉeĥio, Danio, Finnlando, Francio, Grekio, Hispanio, Hungario, Irlando, Italio, Baltaj landoj (Estonio, Latvio, Litovio), Luksemburgo, Malto, Montenegro, Nederlando, Norvegio, Pollando, Portugalio, Nord-Makedonio, Rumanio, Slovenio, Svedio, Svisio kaj Turkio[1].

One Country Pass oni povas aĉeti por vojaĝado en unu lando dum 3 aŭ 4 aŭ 6 aŭ 8 tagoj dum unu monato. Prezo dependas de tio, en kiu preznivelo estas la lando.

Atentu!

Por vojaĝi en la Beneluksaj landoj ekzistas unu komuna bileto. Oni ne povas aĉeti bileton nur por ekzemple Belgio.

Por Norvegio ne eblas aĉeti bileton InterRail por la unua klaso.

Kondiĉoj[redakti | redakti fonton]

Ekzistas ankaŭ bileto por la unua klaso (sed ne por homoj sub 26 jaroj). Ofte oni bezonas ankoraŭ aĉeti lokbileton, ĉar ĉefe en longdistancaj trajnoj estas necesa rezervi sidlokon kaj tiu ĉi devigo validas ankaŭ por vojaĝantoj kun InterRail. InterRail bileto estas bileto por unu konkreta homo, oni ne povas ĝin doni al iu alia homo. Se oni uzas noktan trajnon, kiu foriras post la 19-a horo vespere kaj alvenas post la 4-a horo matene, oni ne kalkulas tiun ĉi vojaĝon kiel du tagoj, sed nur kiel unu - tio signifas, ke se iu havas bileton por 3 tagoj de vojaĝado, li povas vojaĝi fakte eĉ 6 tagojn, se oni ĉiam uzos noktajn trajnojn.[2]

Bileton InterRail ne povas aĉeti homoj, kiuj ne estas civitanoj de iu ajna eŭropa lando - por tiuj ĉi homoj ekzistas oferto Eurail. Oni ne povas aĉeti InterRail bileton por la lando, kie oni loĝas (do ekz. Ĉeĥoj ne povas aĉeti bileton InterRail por Ĉeĥio).

Eksteraj ligiloj[redakti | redakti fonton]

(6-lingva) Oficiala paĝo kun ebleco mendi bileton

(angla) Apo Interrail Planner

(angla) AERA - specialigitaj servoj al trajnvojaĝantoj

(angla) Back-on-Track, asocio kiu volas akceli transnaciajn fervojajn ofertojn.

(angla) Eurail.com

Vidu ankaŭ[redakti | redakti fonton]

Eurail

Referencoj[redakti | redakti fonton]

  1. (en) Bulletin of European Rail Travel, n-ro 12 (2020)
  2. http://www.interrailnet.com/support/use-pass