Jerzy Iwanow-Szajnowicz

El Vikipedio, la libera enciklopedio
Salti al navigilo Salti al serĉilo
Jerzy Iwanow-Szajnowicz
Persona informo
Naskiĝo 14-an de decembro 1911 (1911-12-14)
en Varsovio
Morto 4-an de januaro 1943 (1943-01-04) (31-jara)
en Ateno
Lingvoj moderna greka lingvo
Ŝtataneco GrekioPollando
Profesio
Profesio futbalisto • akvopilkisto • spiono
Information icon.svg
vdr
La monumento de Jerzy Iwanow-Szajnowicz en Saloniko, Grekio
Kiesariani, nun kvartalo de Ateno - tie probable estis mortpafita Jerzy Iwanow-Szajnowicz

Jerzy Iwanow-Szajnowicz, ĝuste Jerzy Iwanow (naskiĝis la 14-an de decembro 1911, mortis la 4-an de januaro 1943 en Ateno) – pola skolto, sportisto kaj poligloto. Dum la dua mondmilito spiono de britaj kaj polaj specialaj servoj kaj la heroo de la greka rezistomovado.

Biografio[redakti | redakti fonton]

Li estis filo de rusa kolonelo Vladimir Ivanov kaj polino Leonarda Ŝajnowiĉ, naskiĝis en Varsovio. Kiam estis kelkjara la patrino denove edziniĝis al greko Jannis Lambrianidis kaj translokiĝis al Saloniko, kie en 1925 ankaŭ setlis la juna Iwanow. De 1927 li trejnis futbalon kaj akvopilkadon en Sporta Klubo "Iraklis", la ĉefklubo de Saloniko. De 1928, kiel reprezentanto de la klubo en akvopilkado neniam forlasis pli gravan konkuron. Li estis eminenta naĝisto. En la jaroj 1931-1935 startis en ĉiuj tutgrekaj naĝkonkuroj. En 1935 akiris polan civitanecon.

Trifoje kaptita de la gestapo, dufoje sukcesis fuĝi. La unuan fojon jam decembre 1941 denuncita de konato kaj kaptita de gestapo, li fuĝis dum aŭtomobila transporto. La 8-an de septembro 1942, ekkonita kaj perfidita de konato, estis arestita la trian fojon en Ateno. La 2-an de decembro germana juĝejo kondamnis lin al triobla mortpuno. Superulo de la greka ortodoksa eklezio, ĉefepiskopo de Ateno Damaskin, provis savi la vivon al Iwanow vizitante enprizonigiton en lia kelo kaj samtempe intervenante ĉe germanoj kaj aliancanoj, kun sugesto de interŝanĝoo de gravaj militkaptitoj. Al la propono favore rilatis nur la germana flanko. Li pereis la 4-an de januaro 1943, unue vundita de SS-ano dum provo eskapi de la ekzekutejo - armea pafistejo en la kvartalo Kesariani, kaj poste pafmortigita kune kun aliaj kondamnitoj. Laŭ grekaj fontoj tuj antaŭ la morto li ankoraŭ vokis "Niech żyje Grecja, niech żyje Polska" - Ζήτω η Ελλάς! Ζήτω η Πολωνία (Vivu Grekio, vivu Pollando)!