Józef Chełmoński

Józef Chełmoński
Persona informo
Naskiĝo	7-an de novembro 1847 (1847-11-07) en Boczki
Morto	6-an de aprilo 1914 (1914-04-06) (66-jaraĝa) en Kuklówka Zarzeczna
Lingvoj	pola
Ŝtataneco	Kongresa Pollando
Alma mater	Akademio de Belartoj Munkeno
Familio
Edz(in)o	Maria Chełmońska (en)
Infano	Wanda Chełmońska (en) , filino
Okupo
Okupo	pentristo

Memportreto, 1902-a jaro

Kazimierz Pułaski ĉe Częstochowa dum la Bara Konfederacio,
la pentraĵo de Józef Chełmoński pentrita en la jaro 1875

Kruco en bizardo, 1907

Józef Marian CHEŁMOŃSKI [JUzef MARjan ĥeŭMONski] (naskiĝis la 7-an de novembro 1849 en vilaĝo Boczki apud Łowicz, mortis la 6-an de aprilo 1914 en Kuklówka Zarzeczna) - pola pentristo, reprezentanto de arta skolo realismo.

En la jaroj 1867-1872 Chełmoński lernis en varsovia Desegna skolo kaj en privata laborejo de Wojciech Gerson; en la jaroj 1872-1875 li studis en Munkena Akademio. En 1875 li veturis al Parizo kaj tie iĝis fama pro unika temaro de siaj pentraĵoj. Li laboris kiel desegnisto de Le Monde Illustré, vojaĝis en Italio, vizitis Podolion kaj Ukrainion. En 1887 Chełmoński revenis al Pollando kaj ekloĝis en Varsovio. Du jarojn poste Chełmoński aĉetis biendomon en Kuklówka kaj tie loĝis ĝis sia morto. Lia tombo troviĝas en Żelechów kaj monumento - en Grodzisk Mazowiecki.

Józef Chełmoński en siaj pentraĵoj elmontris tre aŭtentike vivon en polaj kaj ukrainaj vilaĝoj kaj ĉasistajn scenojn. En realismaj pejzaĝoj li kun granda sentemo ripetis kolorojn de la naturo. Malpli ofte li verkadis portretojn. Chełmoński famis ankaŭ pro perfekta pentrado de ĉevaloj, galopantaj ĉevalaj triopoj (trojko aŭ ĉevaltrio) kaj kvaropoj.

Nacia Muzeo en Varsovio posedas en siaj kolektoj ĉ. 45 bildojn kaj skizojn de Józef Chełmoński.

Galerio de pentraĵoj

• 
  Elpago de salajro (Sabato en bieneto), 1869
• 
  Matene en praarbaro, 1870
• 
  Forflugo de gruoj, 1871
• 
  Afero ĉe vilaĝestro, 1873
• 
  Ora aŭtuno (Babie lato), 1875
• 
  Kozakoj dum marŝado, 1881
• 
  Ĉevalkvaropo, 1881
• 
  Foriro al ĉasado, 1882
• 
  Epizodo de la ribelo, 1884-1885
• 
  Tempesto, 1886
• 
  Cikonioj, 1900
• 
  Preĝo antaŭ batalo, 1906

Bibliografio

• Maciej Masłowski: Malarski żywot Józefa Chełmońskiego (Pentrovivo de Józef Chełmoński), PIW, Varsovio 1972. (duaeldono)
• Maciej Masłowski: Józef Chełmoński. Auriga – Wydawnictwa Artystyczne i Filmowe, Varsovio 1973.
• Rzecz o sławnych Łowiczanach (Pri famaj Łowicz-regionanoj), Łowicz 2006, eldono POLIGRAFIA

Eksteraj ligiloj

Galerio de pentraĵoj de Józef Chełmoński