Kastelo de Rum

El Vikipedio, la libera enciklopedio
Salti al navigilo Salti al serĉilo

La Kastelo de Rum (Vas) (konata ankaŭ pri la iamaj posedantoj Kastelo de Széchenyi [sEĉEnji] aŭ Kastelo de Bezerédj) estas historia monumento, nun lernejo de handikapuloj en Hungario, en vilaĝo Rum.

Fasado de la kastelo en Rum
Aerfoto pri la kastelo en Rum

Historio[redakti | redakti fonton]

Oni supozas, ke en tiu loko familio Bezerédj konstruis klasikisman kastelon en la frua 19-a jarcento. Baldaŭ familio Széchenyi akiris la kastelon. La konstruaĵo estis pligrandigita kaj trakonstruita. La posedantoj uzis la kastelon nur en okazoj. Depost la 2-a mondmilito la ŝtato forprenis la kastelon. Inter 1945-1948 ĝi estis feriejo, poste ĝis 1953 speciala lernejo por surduloj, fine speciala lernejo kaj instituto por handikapuloj (mense difektitaj).

Konstruaĵo[redakti | redakti fonton]

La unuetaĝa konstruaĵo kun mansardo situas en mezo de parko. La kastelo formas U-majusklon, sed la aloj estas tre mallongaj. En la anguloj laŭ la fasado situas dekste ronda turo, maldekstre kvadrata kvazaŭbastiono. Ambaŭ estas duetaĝaj. En mezo de la fasado teraso reliefas.

Parko[redakti | redakti fonton]

La parko estas protektata kun etendiĝo de 8 hektaroj kaj 3 hektaroj por ĝardenkulturo. Aparte menciindaj estas la belegaj heĝoj.

Fontoj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.