Koloman Moser

Koloman Moser
Portreto de Koloman Moser (1905)
Persona informo
Koloman Moser
Naskiĝo	la  30-an de marto 1868(nun 1868-03-30) en Vieno  Aŭstrio
Morto	la 18-an de oktobro 1918 en Vieno  Aŭstrio
Mortis pro	Naturaj kialoj vd
Mortis per	Prostata kancero vd
Tombo	tombejo Hietzing en Vieno vd
Nacieco	Aŭstra
Lingvoj	germana vd
Ŝtataneco	Cislajtio vd
Alma mater	Akademio de Belartoj de Vieno vd
Familio
Edz(in)o	Ditha Moser (en) vd
Profesio
Okupo	pentristo ilustristo grafikartisto furniture designer (en) dizajnisto de juveloj dekoraciisto arkitekto poŝtmarkdesegnisto dezajnisto desegnisto vd
Laborkampo	Pentrado kaj juvelarto vd
Aktiva en	Vieno vd
Verkado
Verkoj	Q17493113 vd
Membrecoj Membrecoj Viena secesio vd
Sukcesis kiel	Artisto
Artista celigo	Viena secesio
Ekspoziciejoj Muzeo Boijmans van Beuningen, Galerio Belvedere, Arta Instituto de Ĉikago, Muzeo de Moderna Arto de Novjorko, Nacia Galerio de Viktorio, Nacia Galerio de Arto, Nationalmuseum, Metropolita Muzeo de Arto, Musée d'Orsay, Muzeo Leopoldo, Muzeo Albertina, TextileMuseum (en) kaj Print Collection (en) vd
Influita de Ferdinand Hodler vd
vd	Fonto: Vikidatumoj

Preĝejo de Sankta Leopoldo de Vieno

Venuso en la Groto (ĉ. 1915)

Koloman Moser (Kolo Moser) (naskiĝis la  30-an de marto 1868(nun 1868-03-30) en Vieno, mortis la 18-an de oktobro 1918 en Vieno), estis aŭstra artisto kiu havis konsiderindan influon en la grafika arto de la frua 20-a jarcento, krom tio ke li estis unu el la plej elstaraj artistoj de la Viena secesio same kiel kunfondinto de la Atelieroj de Vieno konataj kiel "Wiener Werkstätte".

Biografio

Laŭlonge de sia vivo, Moser dezajnis larĝan gamon da artaj verkoj: libroj kaj desegnoj, de poŝtmarkoj ĝis vinjetoj por revuoj, modo, vitraloj, porcelanaĵoj kaj ceramikaĵoj, blovita vitro, manĝilaro, arĝentaĵoj, juvelaro kaj meblaro, inter aliaj.

Li studis en la Viena Akademio kaj la Lernejo de Aplikitaj Artoj (Kunstgewerbeschule) kie li ankaŭ donis kursojn ekde 1899.

Liaj dezajnoj por arĥitekturo, meblaro, juvelaro, desegno kaj tapiŝoj helpis karakterizi la verkojn de lia epoko. Moser alportis la purajn liniojn de la ripetataj motivoj de arto kaj arĥitekturo, klasika greko-romia stilo responde al la dekadenco de baroka tipo ĉirkaŭ la ŝanĝo de jarcento en Vieno.

Inter 1901 kaj 1902 li publikigis katalogon titolitan “Die Quelle” (La Fonto) de elegantaj dezajnaj desegnoj por aĵoj kiaj tapiŝoj, teksaĵoj kaj paperaĵoj.

En 1903 Moser, kune kun sia kolego Josef Hoffmann, fariĝis fondinto de la "Wiener Werkstätte", kies studoj kaj metiartistoj produktis variajn hejmajn ilarojn dezajnitaj en estetika kaj funkcia maniero, inkluzive de vitraĵaro, arĝentaĵo kaj tekstiloj.

En 1904 li dezajnis la absidan arkon el mozaikoj kaj vitraĵo por la Preĝejo de San Leopoldo de Vieno (Kirche am Steinhof).

En 1905, kune kun la grupo de Gustav Klimt, li disiĝis de la Viena secesio. La saman jaron li edziĝis kun Editha (Ditha) Mautner von Markhof, la filino de unu el la posedantoj de unu el la grandaj industriaj fortunoj de Aŭstrio.

En 1907 Koloman Moser retiriĝis de la Atelieroj de Vieno pro internaj konfliktoj kun ĝia administracio.

En oktobro 2008 aŭstra poŝto eldonis poŝtmarkon en lia omaĝo koincidante kun la 90-a datreveno de lia morto.

Bibliografio

• Moser, Koloman. (1998) Turn-of-the-Century Viennese Patterns and Designs, Dover Pictorial Archives, Novjorko: Dover Publications. ISBN 9780486402697.
• Fenz, Werner. (1984) Koloman Moser. Salzburg: Residenz Verlag. ISBN 3701703698.
• Rennhofer, Maria. (2002) Koloman Moser: Master of Viennese Modernism. Londono: Thames & Hudson. ISBN 9780500093061.
• Leopold, Rudolph; Gerd Pichler. (2007) Koloman Moser: 1868-1918, Catalog of the Kolo Moser exhibition in the Leopold Museum (25 majo 2007–10 septembro 2007), Munkeno: Prestel Publishing. ISBN 9783791338798.

Vidu ankaŭ

• Secesio (stilo)

Eksteraj ligiloj

• Koloman Moser en WOKA Arkivigite je 2015-06-30 per la retarkivo Wayback Machine (germane, angle)

Fonto

En tiu ĉi artikolo estas uzita traduko de teksto el la artikolo Koloman Moser en la hispana Vikipedio.