Metropola Muzeo de Arto

El Vikipedio, la libera enciklopedio
Jump to navigation Jump to search
Interno de la muzeo
Metropolita Muzeo de Arto, fasado al la Kvina Avenuo desegnita de Richard Morris Hunt

La Metropola Muzeo de Arto, familiare konata kiel La Met (angle: Metropolitan Museum of Art), estas muzeo pri arto situanta ĉe la orienta flanko de Centra Parko, kio estas konata kiel Muzea Mejlo en Novjorko, Usono. Ĝi havas konstantan kolekton enhavanta pli ol du milionoj da artaĵoj, dividita en deknaŭ oficialajn sekciojn. La ĉefkonstruaĵo estas unu el la plej grandaj artgalerioj de la mondo. Ekzistas ankaŭ multe pli malgranda dua loko en Supra Manhattan, ĉe " La Monaĥeja korto", kiu havas mezepokan arton.

Reprezentitaj en la konstanta kolekto estas artaĵoj de la grek-romia antikvo kaj antikva Egiptio, pentraĵoj kaj skulptaĵoj de preskaŭ ĉiuj eŭropaj majstroj, kaj ampleksa kolekto de usona kaj moderna arto. Ĝi ankaŭ konservas ampleksajn posedaĵojn de Azio, Oceanio, Bizancio, kaj Islama arto. La muzeo ankaŭ estas hejmo por enciklopediecaj kolektoj de muzikaj instrumentoj, kostumoj kaj akcesoraĵoj, kaj antikvaj armiloj kaj kirasoj de ĉirkaŭ la mondo. Kelkaj kolektoj, alternante sin de la unua jarcento en Romo al moderna usona dizajno, estas konstante instalitaj en la galerioj de La Met.

La Metropolita Muzeo de Arto estis fondita en 1870 fare de grupo da usonanoj. La fondintoj inkludis komercistojn kaj financistojn, same kiel gvidajn artistojn kaj pensulojn, kiuj volis malfermi muzeon por alporti artan edukon al la usonanoj. Ĝi malfermiĝis la 20-an de februaro 1872, kaj estis originale situanta ĉe 681 Kvina Avenuo, kaj en 1880 translokigita al nova, la nuna sidejo. La konstruaĵo troviĝas en registro de la Naciaj Historiaj Lokoj.

Riĉaj kolektoj de pentrarto ampleksas verkojn de la plej famaj mondaj kreintoj. La 17-jarcenta nederlanda arto estas prezentata de la verkoj de: Frans Hals, Rembrandt kaj Johannes Vermeer.

La italan pentrarton famigas la bildoj de Giotto, Sandro Botticelli, Rafaelo, Paolo Veronese.

La muzeo posedas ankaŭ grandan kolekton de la 19-jarcenta franca pentrarto, interalie la verkojn de: Jean-Baptiste Camille Corot, Gustave Courbet, Paul Cézanne, Edouard Manet, Claude Monet, Pierre-Auguste Renoir, Paul Gauguin, Vincent van Gogh, Georges Seurat.

Vidu ankaŭ[redakti | redakti fonton]