Küttigkofen

Küttigkofen
	Blazono de Küttigkofen
	Blazono de Küttigkofen
	Küttigkofen
vilaĝo • former municipality of Switzerland • komunumoparto en Germanio
Kantono	Soloturno
Komunumo(j)	Buchegg
Geografia situo	CH1903: 605918 / 222426 (mapo)47.1527777777787.5166666666667Koordinatoj: 47° 9′ N, 7° 31′ O; CH1903: 605918 / 222426 (mapo)
Nombro de loĝantoj	255
Areo	2,17 km²
Alteco	481 m super marnivelo
Poŝtkodo	4581
	Mapo de Küttigkofen
	Mapo de Küttigkofen
	v • d • r

Küttigkofen estas iama komunumo kaj ekde la 1-a de januaro 2014 parto de la nova komunumo Buchegg en la Distrikto Bucheggberg en Kantono Soloturno, Svislando. Ĝi havis 255 loĝantojn je la 31-a de decembro 2010.

Geografio

Küttigkofen situas en la Svisa Mezlando sur la orienta flanko de la montoĉeno Bucheggberg en la valeto Mülital, tra kiu fluas la rojo Mülibach, proksimume 6,5 km sudsudokcidente de la kantonĉefurbo Soloturno. Krom la vilaĝo Küttigkofen al la iama komunumo apartenis la setlejoj Bismarck, Usserdorf kaj Steinrüschen. La plej alta punkto de la iama komunumo situas sur la montetdorso Oberholz sur alteco de 563 m s.m. La teritorio de la komunumo etendiĝas sur areo de 2,17 km², de kiuj 30% estas kovritaj de arbaro, 60% servas por agrikulturo kaj 9% por setlado.^[1]

Najbaraj komunumoj

La iama komunumo Küttigkofen limis en nordo al Lüterkofen-Ichertswil, en oriento al Bätterkinden (BE), en sudo al Kyburg-Buchegg, kaj en okcidento al Brügglen.

Trafiko

La iama komunumo situas flanke de la gravaj trafikvojoj. Ĝi atingeblas per flanka vojo de la kantona ĉefvojo n-ro 12 de Lohn al Kyburg, sur kiu cirkulas la poŝtaŭtolinio de la stacidomo Lohn-Lüterkofen al Messen. Krome ankaŭ per la taksibuso Bucheggberg la iama komunumo estas konektita al la publika transportreto. La plej proksima alveturejo al la svisa aŭtovojo A5 troviĝas 6 kilometrojn norde apud Soloturno.

Historio

La unua dokumenta mencio de Küttigkofen datiĝas el la jaro 1316 kiel obrenchúttenkouen. Dum mezepoko Küttigkofen apartenis al la Senjorujo Buchegg, kiu estis parto de la kampargrafejo Eta Burgonjo kaj fariĝis en la jaro 1391 havaĵo de Kantono Soloturno. ^[2]

Kun efiko de la 1-a de januaro 2014 la iamaj komunumoj Aetigkofen, Aetingen, Bibern, Brügglen, Gossliwil, Hessigkofen, Küttigkofen, Kyburg-Buchegg, Mühledorf kaj Tscheppach estis kunigitaj al la nova komunumo Buchegg.^[3]

Notoj kaj referencoj

Eksteraj ligiloj

Kategorio Küttigkofen en la Vikimedia Komunejo (Multrimedaj datumoj)

Oficiala retejo de la komunumo Küttigkofen Arkivigite je 2021-09-25 per la retarkivo Wayback Machine
Küttigkofen en la Historia Leksikono de Svislando (germane, france, itale)

Vidu ankaŭ en la Vikimedia Komunejo la kategorion Küttigkofen – (Kolekto de bildoj kaj plurmediaj dosieroj)

Bildoj

Lernejo
Vilaĝeniro
Malnovaj kamparanaj domoj en Küttigkofen
Loĝdomo en Küttigkofen

[1] Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 4-an de novembro 2011

[2] Fonto: Othmar Noser: Küttigkofen en Historia Leksikono de Svislando (2006-08-31)

[3] Retejo de la nova komunumo Buchegg

[1]

[2]

[3]