La batalo de l' vivo

La Batalo de l' Vivo
Aŭtoro	Charles Dickens
Eldonjaro	1910
Urbo	Londono
Eldoninto	Stead's Publishing Office
Paĝoj	88

La Batalo de l' Vivo (angle : The Battle of Life : a love story) estas rakonto de la brita romanisto Charles Dickens unue publikigita en la jaro 1846. Ĝi estis la kvara de la kvin "Libroj por Kristnasko" de Dickens, kiuj aperis inter 1843 kaj 1848, la unua estis A Christmas Carol (Kristnaska Sonorado).

Esperanta traduko

L. L. Zamenhof esperantigis la rakonton laŭ la germana versio kaj aperigis ĝin en La Esperantisto en la jaro 1891. La verko eldoniĝis aparte 88-paĝe en 1910. Estas unu el la unuaj tradukoj al Esperanto.

En la komenco de la libroforma versio de la verko, Zamenhof inkludis noton:

„ Al la legantoj. En la unuaj jaroj de la ekzistado de Esperanto unu sinjoro montris al mi germanan libron (tradukon de verko de Dickens) kaj diris: ĉi tion oni certe ne povus traduki en Esperanton. Por konvinki tiun sinjoron, ke li eraras, mi prenis la libron kaj tradukis ĝin. Ĉar la verko ne sole ne estas tradukita el la originalo, sed mi eĉ ne komparis ĝin kun la originalo, tial mi dum longa tempo ne deziris reeldoni ĝin. Sed kelkaj amikoj trovis, ke por multaj esperantistoj eble estos interese legi libron aperintan en la unuaj jaroj de Esperanto, tial mi cedis al ilia deziro kaj donis mian konsenton por reeldono de la verko. L.L. Zamenhof ”

Eksteraj ligiloj

Kovrilo de la unua eldono de 1846

• Enciklopedio de Esperanto/L en sia originala formo en la Interreto
• Enciklopedio de Esperanto en elŝutebla versio (PDF).
• La Batalo de l' Vivo en Projekto Gutenberg
• Charles Dickens' The Battle of Life Originala anglalingva teksto de la rakonto ĉe Vikifontaro.
• Kritika eldono de La Batalo de l’ Vivo : bitlibro en Fictionbook (257 kbajt) kaj ties PDF-versio (1,3Mbajt).
• Rete legebla Antaŭparolo kaj komentaro el la Kritika eldono fare de Sergio Pokrovskij.
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience : entajpu la vortojn "la batalo".
• Katalogo de Kataluna Esperanto-Asocio
• Katalogo de Nacia Biblioteko de Esperanto