Literatura Esperanta Konkurso
La nomo Literatura Esperanta Konkurso povas aludi al diversaj eventoj, kiuj ĉiuj laŭ la nomo kompreneble celas subteni la kreadon kaj prezentadon de Esperanto-literaturo.
Konkursoj
[redakti | redakti fonton]Belartaj konkursoj
[redakti | redakti fonton]- Dum la unuaj Universala Kongreso de Esperanto ĉiam ekzistis "Literatura Esperanta Konkurso". Ekde la jaro 1950 tiu konkurso integriĝis en la tiam novaj Belartaj Konkursoj de UEA.
Interkultura Novelo-Konkurso (INK)
[redakti | redakti fonton]Interkultura Novelo-Konkurso estas konkurso de Bobelarto por krei novelojn kaj mikronovelojn kiu ekzistas ekde 2020. La rakontoj ankaŭ estas publikigataj en jaraj libroj.
Literatura tradukkonkurso Lucija Borčić
[redakti | redakti fonton]Honore al Lucija Borčić Kroata Esperantista Unuiĝo organizas literaturan tradukkonkurson, ĉe kiu oni rajtas prezenti tradukon de iu ajn nacia lingvo al Esperanto (poezio, rakonto aŭ novelo)[1].
Literatura konkurso Liro (Orienta Eŭropo)
[redakti | redakti fonton]- La literatura konkurso LIRO en orienta Eŭropo subtenas tradukojn el naciaj lingvoj al Esperanto, kaj dum la lastaj jaroj kutime donis du tradukendajn verkojn, ekzemple en 2014 la anglalingvan novelon “The roads we take” de O. Henry (pseŭdonimo de la usona aŭtoro William Sydney PORTER. 1862-1910), kaj la ruslingvan poemon “Muĥi” de Aleksej Apuĥtin.[2]
Literatura konkurso Ĥristo Gorov (Bulgario)
[redakti | redakti fonton]- Bulgara Esperanto-Asocio ĉiun trian jaron okazas Esperantan literaturan konkurson, kiu en 2011 baptiĝis laŭ la bulgara verkisto “Ĥristo Gorov”, en 2014 laŭ “Ivan Krestanov”. En la konkurso povos partopreni geesperantistoj el ĉiuj landoj. La konkurso estos por rakonto kaj eseo (maksimume 3 paĝojn formato A4), originale verkitaj en Esperanto. La konkurso ne havas konkretan temon[3][4][5].
Literatura konkurso EKRA (Bulgario)
[redakti | redakti fonton]- La literatura konkurso "EKRA" (ĉiujara, lanĉita en 1991; nun enkadre de la Internacia Esperantista Krea Renkontiĝo “Abritus”, ekde la komenco de la 21-a jarcento ĉiujare okazanta en Razgrad, Bulgario) ligiĝas al la revuo Literatura Foiro kaj la asocio Esperanta Civito. La konkursbranĉoj estas "Poezio" kaj "Humuro". En 2016 aperis la libro "Abritus", kun plej bonaj konkursaĵoj 1991-2016.
Rakontoj de la tuta mondo (Ĉinio)
[redakti | redakti fonton]- Ankaŭ Ĉina Radio Internacia foje organizas Internacian Literaturan Konkurson, laste en 2014 je la nomo "Rakontoj de la tuta mondo".[6]
Literatura konkurso Ivo Rotkvić (Kroatio)
[redakti | redakti fonton]- En 2014 la Unuiĝo de Zagrebaj Esperantistoj renovigis la literaturan konkurson “Ivo Rotkvić”. Ĝia tasko estas daŭrigi la tradiciojn de la antaŭa samnoma konkurso de Zagreba Esperanto-Ligo, kaj ĝi okazas en la kvar branĉoj originala poezio, originala prozo, tradukoj el la kroata kaj tradukoj el aliaj lingvoj.[7]
Literatura konkurso Verda Plumo (Rusio)
[redakti | redakti fonton]- Plia nur unufoja konkurso estis la Literatura Konkurso "Verda Plumo" okaze de la 20-jara jubileo de la eldonejo Impeto en 2012.[8]
Literatura konkurso de Esperanto-USA
[redakti | redakti fonton]- Literatura Konkurso de la Esperanto-Ligo por Norda Ameriko (nacilingve nun pli koncize nomata Esperanto-USA) cele al atribuo de "Premio Don Harlow por Tradukoj de Usona Poezio en Esperanton" eble nur okazis unufoje, en 2008, kvankam tiam estis planoj ke ĝi iĝu ĉiujara.[9]
Referencoj
[redakti | redakti fonton]- ↑ (eo) La sesa tradukkonkurso “Lucija Borčić”, La Ondo de Esperanto, la 22-an de aŭgusto 2022.
- ↑ informo pri la Literatura konkurso Liro 2014 en la retejo Libera Folio
- ↑ (eo) La internacia Esperanta literatura konkurso “Hristo Gorov”, reta revuo Esperanto, la 19-an de oktobro 2020, alirite la 19-an de januaro 2022
- ↑ invito al partopreno en la Esperanta literatura konkurso “Hristo Gorov–Hrima” de 2011. Arkivita el la originalo je 2016-03-07. Alirita 2016-02-29.
- ↑ invito al partopreno en la Esperanta literatura konkurso “Ivan Krestanov” de 2014
- ↑ informo pri la "Literatura konkurso: rakontoj de la tuta mondo" de 2014
- ↑ informo pri la rezultoj de la literatura konkurso “Ivo Rotkvić” de oktobro 2015, publikigo en januaro 2016. Arkivita el la originalo je 2016-03-06. Alirita 2016-02-29.
- ↑ informo informoj pri la Literatura Konkurso "Verda Plumo" de 2012
- ↑ informo pri la Literatura Konkurso "Premio Harlow por Tradukoj de Usona Poezio en Esperanton" de 2008. Arkivita el la originalo je 2016-03-05. Alirita 2016-02-29.
|
Ĉi tiu paĝo estas apartigilo: listo de artikoloj kun sama aŭ preskaŭ sama titolo.
Se vi venis ĉi tien per ligilo en artikolo, bonvolu direkti tiun ligilon rekte al la celita paĝo. |