Ĉina Radio Internacia

El Vikipedio, la libera enciklopedio
Saltu al: navigado, serĉo

Ĉina Radio Internacia (ĈRI) (ĉine: 中国国际广播电台[1], pinyine: zhōng guó guó jì guǎng bō diàn tái[2]) estas nur internacia publika ensendant-organizaĵo en Popola Respubliko de Ĉinio. Kune kun Ĉina Nacia Radio (ĈNR) kaj Ĉina Centra Televidilo (CCTV), ĝi estas unu el la "tri ĉefaj amaskomunikilaj organizaĵoj en la PRĈ." La organizaĵo fondiĝis en 3-a de decembro 1941.[3] La retejo de la elsendanto disponigas novaĵojn kaj aliajn programojn per 57 lingvoj.[4] La Esperanto-versio de la retejo aperis la 1-an de majo 2002. Tie oni povas legi, aŭskulti kaj spekti novaĵojn kaj aliajn programojn en Esperanto.

Historio[redakti | redakti fonton]

Radio unue aperis en Ĉinio inter 1920-1930. Tamen, malmultaj homoj aŭ urboj tiutempe posedis radiojn aŭ staciojn. Ankaŭ plimulto da uzado de la radio dum tiu tempo estis por politikaj kialoj.

La Komunista Partio unue uzis radion en Janan en marto 1940 kun transmisiilo kiun ili alportis de Moskvo. Xinhua Nova Ĉina Radio (XNCR) en la ĉina lingvo dissendiĝis de Janan ekde la 30-a de decembro 1940. XNCR pli ofte kaj pli formale dissendis al plej granda etendaĵo post 1945; la programoj enhavis novaĵojn, oficialajn anoncojn, militajn bultenojn, ktp.

Dissendado en la angla lingvo ekkomenciĝis la 11-an de septembro 1947, dum la intermilito de Ĉinio, en la vilaĝo Ŝabe sur la montoj de Taihang en la provinco Hebejo. La unua celo de XNCR kiu tiutempe lokiĝis en montara kaverno estis provizi informojn pri la lastatempaj venkoj.

La stacio translokiĝis al Pekino (Ĉefurbo de Ĉinio) de Montoj de Taihang, kiam la Popola Respubliko de Ĉinio fondiĝis en 1949. La nomo la 10-an de aprilo 1950 ŝanĝiĝis al Radio Pekino. En la 1960-aj jaroj, la stacio estis konata pro sia subteno de la kultura revolucio sub Mao Zedong. La stacio en 1983 denove renomiĝis Radio Pekino.

La 1-an de januaro 1993, la nomo de la stacio reŝanĝiĝis al Ĉina Radio Internacia.

Elsendo en Esperanto[redakti | redakti fonton]

Ĉina Radio Internacia regule elsendas siajn programojn ĉiutage laŭ tiu horaro (laŭ UTC):

De Ĝis Kurtondaj, mezondaj kaj satelitaj informoj Landoj Rimarkoj
UTC UTC
11.00 12.00 Somere:
15110 kHz (19,85 m); 11635 kHz (25,78 m)
Vintre:
1017 kHz (294,99 m);
7210 kHz (41,61 m); 9450 kHz (32,75 m)
Orienta Azio
13.00 14.00 11650 kHz (25,75 m); 9440 kHz (31,78 m) Sudorienta Azio
Somere:
16.00
Somere:
17.00
1215 kHz (246,91 m) Albanio - Sudorienteŭropo sendilo: Fllake (41,22 Nordo 19,31 Oriento) sendoriento [grado]: 33; 315, 330 (sendoriento de la sendilanteno)
Vintre:
17.00
Vintre:
18.00
1215 kHz (246,91 m) Albanio - Sudorienteŭropo sendilo: Fllake (41,22 Nordo 19,31 Oriento) sendoriento [grado]: 33; 315, 330 (sendoriento de la sendilanteno)
17.00 18.00 Somere:
11650 kHz (25,75 m)
Vintre:
7245 kHz (41,41 m)
Eŭropo
19.30 20.30 9745 kHz (30,79 m); 7265 kHz (41,29 m) Eŭropo
22.00 23.00 9860 kHz (30,43 m); 7315 kHz (41,01 m) Latin-Ameriko

Lingvoj[redakti | redakti fonton]

La retejo de ĈRI disponeblas en la jenaj lingvoj:

Albana
Araba
Belorusa
Bengala
Bulgara
Birma
Kroata
Kmera
Mandarena
Ĉeĥa
Dana
Nederlanda
Angla
Esperanto

Estona
Filipina
Finna
Franca
Germana
Greka
Haŭsa
Hebrea
Hindia
Hungara
Islanda
Indonezia
Itala
Japana

Kazaĥa
Korea
Laŭa
Litova
Malaja
Mongola
Nepala
Norvega
Persa
Pola
Portuguala
Paŝtoa
Rumana
Rusa

Serba
Sinhala
Hispana
Svahila
Sveda
Tamila
Tajlanda
Tibeta (Lhasa kaj Kangba)
Turka
Ukraina
Urdua
Ujgura
Vjetnama

Olimpia Radio[redakti | redakti fonton]

En Julio 2006, ĈRI lanĉis novan stacion nomita ĈRI Olimpia Radio ĉe 900 AM en Pekino. Pere de tiu ĉi speciala dissendo oni povis aŭskulti tuttage novajn programojn en mandarena, korea, angla, rusa, franca, hispana, araba, japana kaj germana.

Informfontoj[redakti | redakti fonton]

  1. Ŝtata Administracio de Radio, Filmo kaj Televidilo.
  2. 中国国际广播电台.
  3. About Us - CRI English.
  4. Ĉefpaĝo de la retejo de ĈRI.

Eksteraj ligiloj[redakti | redakti fonton]