Louis-Christophe Zaleski-Zamenhof
| Louis-Christophe Zaleski-Zamenhof | |
|---|---|
| |
| Persona informo | |
| Naskonomo | Ludwik Zamenhof |
| Naskiĝo | 23-an de januaro 1925 en Varsovio |
| Morto | 9-an de oktobro 2019 (94-jaraĝa) en Antony |
| Lingvoj | Esperanto • franca • pola |
| Loĝloko | Francio |
| Ŝtataneco | Pollando Francio 
|
| Alma mater | Politekniko de Varsovio
|
| Familio | |
| Patro | Adamo Zamenhof
|
| Patrino | Wanda Zamenhof
|
| Edz(in)o | Juliette Sekrecka (1961–) Krystyna Tyszka (1951–nekonata valoro)
|
| Infanoj | Hanna Zaruski-Zamenhof (  Krystyna Tyszka)Margaret Zaleski-Zamenhof ( Krystyna Tyszka)
|
| Okupo | |
| Okupo | inĝeniero esperantisto
|
Louis-Christophe ZALESKI-ZAMENHOF (naskiĝis je la 23-a de januaro 1925 en Varsovio) estas doktoro inĝeniero, pri surlanda kaj enmara konstruado, aparte de premferbetono, nepo de L. L. Zamenhof.
Li kun sia patrino eskapis, preskaŭ mirakle el la forporto en naziajn mortigejojn, kiam lia patro Adamo Zamenhof estis arestita kaj pafmortigita de la nazioj. Poste li kaŝiĝis en Pollando sub falsa nomo Christoph Zaleski, kiun li konservis poste memore al tiu tempo.
- Anekdoto: en tiu tempo, li laboris en tomatokampo, kun polo, kiu estis hazarde esperantisto; tiu ĉi provis varbi lin, kaj demandis "ĉu vi konas Esperanton? ktp.", Ludoviko-Kristofo tuj respondis: " ho jes mi konas, ĝin inventis mia avo!" (poste li timis farinte malsingardemon kaj esti denuncota! sed ne).
Ekde la 1960aj jaroj li loĝas en Francio.
Li verkis antaŭparolon por La Homo kiu Defiis Babelon, biografio de la iniciatinto de Esperanto verkita en la franca de René Centassi kaj Henri Masson.
En sia festparolado dum la 86-a UK 2001 en Zagrebo li i.a. diris:
"Vi venis diskuti pri la Dialogo inter kulturoj, kies bezono iam ja inspiris la iniciaton de la Lingvo Internacia. Fakte, preskaŭ ĉiuj biografoj de Zamenhof mencias la legendon, laŭ kiu la juna Ludoviko vivanta en tiam multkultura urbo Białystok, observis malamon regantan inter la diversaj nacioj, ne trovantaj lingvon komune kompreneblan, ilon laŭ li necesan al la dialogo inter iliaj kulturoj respektivaj".
Zaleski-Zamenhof aljuĝis al la papo Johano Paŭlo la 2-a la Medalon pri Toleremo.
Literaturo
- Roman Dobrzyński. La Zamenhof-strato. Kaunas, 2003. 287 paĝoj. recenzo de Dirk Bindmann
Eksteraj ligiloj
|
Trovu « Louis-Christophe Zaleski-Zamenhof » inter la Vizaĝoj de homoj rilataj al la ideo «Internacia Lingvo» |
- Antaŭparolo de La Homo kiu defiis Babelon
- Ŝablono:Pejnejo al la 83-a Universala Kongreso en Montpeliero, 1998.
- Mesaĝo al la 86-a UKo de Esperanto en Zagrebo, 2001.
- Gratulo al 87-a Universala Kongreso de Esperanto en Fortaleza, 2002.
- Parolado al la 88-a Universala Kongreso de Esperanto en Gotenburgo, 2003.
- okaze de la aranĝo datrevena Boulogne 2005 parolante en la sama teatro kie okazis la unua U.K.
