Miguel Poveda
| Miguel Poveda | |
|---|---|
| |
| Persona informo | |
| Naskiĝo | 13-an de februaro 1973 (51-jaraĝa) en Barcelono |
| Lingvoj | hispana • kataluna |
| Ŝtataneco | Hispanio |
| Okupo | |
| Okupo | kantisto |
| TTT | |
| Retejo | https://miguelpoveda.com/ |
Miguel Ángel POVEDA León (Jerez de la Frontera,[1] 13a de februaro 1973) estas hispana kantisto de flamenko plej bone konata per la nomo por spektaklo Miguel Poveda.
Biografio[redakti | redakti fonton]
Kvankam naskiĝinta en Jerez de la Frontera (lulilo de flamenko) li edukiĝis en Badalona, Katalunio, kiel filo de neandaluzoj kaj krome de familio tute ne-cigana, kio malhelpis lian disvolviĝon en la etoso de flamenko. Tamen li ekde infanaĝo penis por lerni meminstrue flamenkokantadon, aŭdinte tion per radio. En 1989, estante 15-jaraĝa kantis publike por la unua fojo, nome sur la scenejo de la "Peña Flamenca de Ntr.ª Sr.ª de la Esperanza" en Badalona, kaj ekde tiam li profitis la semajnfinojn por kanti en la plej diversaj flamenkejoj, estant preskaŭ ĉiam la plej juna inter la partoprenantoj.
Dekomence li laboris por tute aliaj laborpostenoj, kaj post la militservo ekkantis sur la flamenka scenejo "tablao El Cordobés" de Ramblas de Barcelono; tie laboris dum unu jaro, kaj li lernis la profesion kantante por la gedancistoj, antaŭ publiko ĉefe de turistoj.[2]
En 1993 li atingis gravan premion en la fama 33a Nacia Festivalo de Minkanto de La Unión (Provinco Murcio) kaj tio famigis lin en la tuta lando. Poveda ludis en tiu epoko en filmo La teta y la luna (La mamo kaj la luno, 1994, reĝisorita de Bigas Luna).
Fine de la 20a kaj komence de la 21a jarcentoj li partoprenis en multnombraj koncertoj, festivaloj, internaciaj projektoj, turneis tra diversaj landoj, kiel Francio, Belgio, Japanio, Italio, Britio, Palestino, Usono, Meksiko ktp. En multaj okazoj li partoprenas en eventoj kun rilato al la mondo de la literaturo kaj arto ĝenerale. Li registris ekzemple en la kataluna, lingvo tute fremda por la mondo de la flamenko. Li ankaŭ kantis fadojn en la portugala.
Laŭlonge de sia kariero li ricevis multegajn premiojn, omaĝojn kaj kunlaboris mun multaj diversaj artistoj.
Diskaro[redakti | redakti fonton]
| Karo | Titolo | Diskeldonejo |
|---|---|---|
| 1995 | Viento del este | Nuevos Medios |
| 1998 | Suena flamenco | Harmonía Mundi |
| 2001 | Zaguán | Harmonía Mundi |
| 2004 | Poemas del exilio de Rafael Alberti | Harmonía Mundi |
| 2005 | Desglaç | Discmedi-Taller de Músics |
| 2006 | Tierra de calma | Discmedi |
| 2009 | Cante i Orquestra | Discmedi - Singulars Peralada |
| 2009 | Coplas del querer | Universal - Discmedi |
| 2010 | Coplas del querer en directo desde el Gran Teatro del Liceu (DVD) | Universal - Discmedi |
| 2012 | arteSano | Universal Music - Discmedi Blau |
| 2012 | Real (KD+DVD koncerte en Teatro Real de Madrid la 8an de majo de 2012) | Universal Music |
| 2013 | Diálogos. De Buenos Aires a Granada kun Rodolfo Mederos (KD de tangoj koncerte en Bonaero en 2006 kaj en Granada en 2010) | Universal Music |
| 2015 | Sonetos y poemas para la libertad | Universal Music |
| 2018 | Enlorquecido | Carta Blanca Records |
| 2018 | El tiempo pasa volando | Carta Blanca Records |
Referencoj[redakti | redakti fonton]
- ↑ [1] Arkivigite je 2017-09-27 per la retarkivo Wayback Machine Arkivita la 27an de septembro 2017 en la Wayback Machine. Naskoloko Arkivigite je 2017-11-28 per la retarkivo Wayback Machine - oficial retejo de Miguel Poveda
- ↑ [2][rompita ligilo] Ligilo jam ne plu funkcianta