Nadija Hordijenko Andrianova
| Nadija Hordijenko Andrianova | |
|---|---|
| |
| Persona informo | |
| Naskiĝo | 15-an de decembro 1921 en Vasilkiv |
| Morto | 27-an de marto 1998 (76-jaraĝa) en Kievo |
| Lingvoj | Esperanto • ukraina |
| Ŝtataneco | Ukrainio Soveta Unio 
|
| Alma mater | filologia fakultato de la universitato de Kievo
|
| Okupo | |
| Okupo | tradukisto esperantisto verkisto
|
Nadija Hordijenko ANDRIANOVA (je plena nomo Надія Миколаївна Гордієнко-Андріанова, do Nadija Mikolajivna Hordienko-Andrianova, naskiĝis la 15-an de decembro 1921 en Vasilkiv, mortis la 27-an de marto 1998 en Kievo) estis ukraina Esperanto-verkistino. 25 jarojn ŝi estis fakdelegito pri literaturo kaj ĵurnalismo en Kievo (Ukrainio). Ŝi estis aŭtoro de originalaj poemaroj kaj tradukoj.
Verkistino, ĉefe poetino, ŝi publikigis recenzojn kaj tradukojn el la rusa kaj ukraina en Paco, Hungara Vivo kaj aliaj Esperanto-revuoj; tradukis kaj redaktis la poemaron Liriko de Lesja Ukrajinka (1971) kaj Ukrainaj Popolaj Fabeloj (1983). Ŝi ukrainigis E-verkojn de Sándor Szathmári kaj Tibor Sekelj por la revuo Vsesvit. Interalie en 1989 aperis la ukraina traduko de la romano Kumeŭaŭa, la filo de la ĝangalo de Tibor Sekelj, Кумевава, син джунглів (Kumevava, sin dĵunhliv), libroforme en la eldonejo «Веселка» ("la gajulino"). En 1987 Hungara Esperanto-Asocio eldonis ŝian "lirikan aŭtobiografion" Vagante tra la Mondo Maltrankvila. Skribis ukrainlingvan porinfanan libron pri Vasilij Eroŝenko; tradukis ukraine el rusa kaj Esperanto kaj kompilis elektitan verkaron de liaj verkoj.
Verkoj
[redakti | redakti fonton]- Monumentoj de l' eterna amikeco; Renkonto kun Baba Paraŝkeva; Disiĝo kun Rodopoj; Glorkanto al Jambol; Glorkanto al Esperanto (En: Bukedo, p. 64 - 74)
- Vagante tra la Mondo Maltrankvila (originala poemaro, Budapest: Hungara Esperanto-Asocio, 1987. - 102 p. - ISBN 963-571-182-4)
Tradukoj
[redakti | redakti fonton]
|
Trovu « Nadija Hordijenko Andrianova » inter la Vizaĝoj de homoj rilataj al la ideo «Internacia Lingvo» |
- Ukrainaj Popolaj Fabeloj (Sofija: BEA, 1983. - 76 p.)
- Lesja Ukrajinka: Liriko (Kievo: Komisiono pri Internaciaj Ligoj de Ukrainiaj Esperantistoj, 1971. - 86 p. : ilustr.)
