Nuvilly

El Vikipedio, la libera enciklopedio
Salti al navigilo Salti al serĉilo
Nuvilly
Blazono de Nuvilly
Blazono de Nuvilly
Nuvilly
Nuvilly
Kantono Friburgo
Distrikto Brojo
Koordinatoj  46°46′57″N 6°49′52″O  /  46.7825°N, 6.83111°O / 46.7825; 6.83111 (Nuvilly)Koordinatoj: 46°46′57″N 6°49′52″O  /  46.7825°N, 6.83111°O / 46.7825; 6.83111 (Nuvilly)
Nombro de enloĝantoj 376
Areo 4,00 km²
Alteco 629 m super marnivelo
Poŝtkodo 1485
Komunumkodo 2035
Mapo de Nuvilly
Mapo de Nuvilly
Information icon.svg
vdr

Nuvilly estas komunumo en la distrikto Brojo en Kantono Friburgo, Svislando. Ĝi havis 376 loĝantojn je la 31-a de decembro 2011.

Geografio[redakti | redakti fonton]

Nuvilly situas en la friburga eksklavo Estavayer, 7 kilometrojn sudokcidente de Estavayer-le-Lac kaj 10 kilometrojn okcidente de Payerne, sur la molasaj montetoj de la Friburga Mezlando inter la baseno de la Lago de Neŭŝatelo kaj la ebenaĵo de la rivero Brojo. Tra la komunumo fluas la rivero Eta Glano, norda alfluanto de Brojo. La komunumo konistas el la vilaĝo Nuvilly kaj la setlejoj Basse Ville, La Palud kaj Champ Corcelle, kaj diversaj izolitaj bienoj.[1]

La teritorio de la komunumo etendiĝas sur areo de 4,00 km², de kiuj 18,0% estas kovritaj de arbaro, 74,0% servas por agrikulturo kaj 7,3% por setlado. [2]

Najbaraj komunumoj[redakti | redakti fonton]

La komunumo Nuvilly limas en nordo al Murist, en nordoriento al Les Montets, en sudoriento al Sassel (VD), en sudo al Combremont-le-Grand, kaj en okcidento al Treytorrens.

Trafiko[redakti | redakti fonton]

Tra Nuvilly kondukas la kantona ĉefvojo n-ro 150 de Estavayer-le-Lac al Laŭzano. La plej proksima alveturejo al la svisa aŭtovojo A1 situas proksimume 5 kilometrojn nordoriente de la komunumo apud Estavayer-le-Lac. Pere de buslinio de la entrepreno Transporto Publika Friburga al Estavayer-le-Lac la komunumo estas konektita al la publika transportreto.

Historio[redakti | redakti fonton]

La unua dokumenta mencio de Nuvilly datiĝas el la jaro 1242 kiel Nuovillie. Dum mezepoko Nuvilly estis parto de la Subsenjorujo Chenaux de la Senjorujo Estavayer. En la jaro 1338 Nuvilly estis rabobruligita de civitanoj de Payerne. Kun Estavayer ĝi fariĝis en la jaro 1536 havaĵo de la urba ŝtato Friburgo kaj apartenis ek de tiam al la Voktejo Estavayer, kiu en 1798 okaze de la Helveta Revolucio estis transformita al distrikto kaj en la jaro 1848 surbaze de la nova kantona konstitucio de Friburgo integrita al la Distrikto Brojo.[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Svisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Marianne Rolle: Nuvilly en Historia Leksikono de Svislando (2009-08-12)

Eksteraj ligiloj[redakti | redakti fonton]