Ottó Szőnyi

Ottó Szőnyi
	; Ottó Szőnyi
Persona informo
Naskonomo	Szákovics Ottó Gyula
Naskiĝo	13-an de julio 1876; en Pécs
Morto	13-an de marto 1937 (60-jaraĝa); en Pécs
Lingvoj	hungara
Ŝtataneco	Hungario
Alma mater	Universitato Eötvös Loránd
Okupo
Okupo	arkeologo • arkivisto • arthistoriisto
	v • d • r

Ottó Szőnyi [sOnji], laŭ la hungarlingve kutima nomordo kaj kun plena nomo Szőnyi Ottó Gyula estis hungara pastro, arkivisto, arkeologo, altlerneja instruisto. Lia origina familia nomo estis Szákovics [sAkoviĉ] ĝis 1904.

Ottó Szőnyi^[1]^[2] naskiĝis la 13-an de julio 1876(nun 1876-07-13) en Pécs, li mortis la 13-an de marto 1937 en Pécs.

Biografio[redakti | redakti fonton]

Ottó Szőnyi maturiĝis en cisterciana gimnazio en sia naskiĝurbo, poste li studis teologion kaj juron en seminario de Pécs, Jura Akademio (Pécs), Reĝa Universitato de Budapeŝto kaj Universitato Francisko Jozefo de Koloĵvaro, fine li doktoriĝis kaj pastriĝis en 1898. Ekde la sekva jaro li estis eklezia arkivisto en Pécs, inter 1906-1921 li instruis en la jura akademio (iama seminario). Ekde 1909 li estis ankaŭ muzeestro en la sama urbo, en 1921 li estis postenulo pri historiaj monumentoj, tiutempe li partoprenis en malkovroj de prakristanaj tomboj tute apud Katedralo de Pécs. Liaj aliaj arkeologiaj rezultoj estis subpreĝejo de Preĝejo Marteno de Tours (Feldebrő), freskoj en Malnova preĝejo de Hetvehely kaj kripto de monaĥejo de Pécsvárad. Ekde 1934 li ankaŭ instruis en la Reĝa Industriarta Edukejo‎.