Pavel Kuŝnir
| Pavel Kuŝnir | |
|---|---|
| Persona informo | |
| Naskiĝo | 19-an de septembro 1984 en Tambov, Rusia Soveta Federacia Socialisma Respubliko,  Sovetunio
|
| Morto | 27-an de julio 2024 (39-jaraĝa) en Birobiĝano, Hebrea Aŭtonomio,  Rusio
|
| Mortokialo | Fastostriko 
|
| Lingvoj | rusa |
| Ŝtataneco | Rusio
|
| Alma mater | Rachmaninov Tambov State Academy of Music (en)  (–2002)Moskva Ĉajkovskij Konservatorio (–2007)
|
| Okupo | |
| Okupo | pianisto verkisto aktivulo disidento
|
Pavel Kuŝnir, ankaŭ Paweł Kuŝnir (ruse Павел Михайлович Кушнир, ankaŭ foje Pawel Kushnir; naskiĝis la 19-an de septembro 1984 en Tambov, mortis la 27-an de julio 2024 en Birobiĝano) - rusa muzikisto (pianisto), kontraŭmilita aktivulo kaj politika kaptito. Li estas la unua politika malliberulo en la historio de la Rusa Federacio mortinta post malsatstriko[1].
Pavel Kuŝnir estis diplomiĝinto de la Moskva Konservatorio. Li laboris kiel solisto en diversaj rusaj filharmoniaj haloj - unue dum sep jaroj ĉe la Distrikta Filharmonio de Kursk, poste dum tri jaroj ĉe la Kurga Filharmonio, kaj de 2023 ĉe la Birobiĝana Regiona Filharmonio. Li prizorgis jutuban kanalon titolitan Foreign Agent Malder (Inoagent Malder), kie li esprimis sin kontraŭ la politiko de la rusiaj aŭtoritatoj kaj kontraŭ la milito kontraŭ Ukraino, estante ankaŭ la verkinto de kontraŭmilita libro. En intervjuo kun lokaj amaskomunikiloj en januaro 2023, li diris pri sia kariero: "Arto estas tre proksime ligita al la valoroj, kiujn mi elektis por mi kaj al kiuj mi volas dediĉi mian vivon."[2]
Li estis arestita ekde majo 2024 ĉar, laŭ la FSB, liaj publikaĵoj postulis la "perfortan demisiigon de la konstitucia ordo en Rusio per revolucio". Li estis akuzita pro instigo al terorismo. La 27-an de julio 2024 li mortis pro sia lasta striko en la izolita mallibereco - sen preni akvon - estis mallongdaŭra. Bedaŭrinde en la prizono li ne havis juran subtenanton - neniu rajtis viziti lin[3].
Postmortaj honoroj
[redakti | redakti fonton]Post kiam lia morto iĝis konata, multaj konataj muzikistoj omaĝis la kuraĝon kaj homaron de la antaŭe nekonata pianisto en malfermita letero, kiu estis presita en germana traduko en la Frankfurter Allgemeine.
“Ankaŭ ni estas muzikistoj. Kvankam estas malfacile skribi, pensi, ekzisti, fronte al tia ĉie ampleksiĝanta malbono, ni devas preni starpunkton. Nenio revenigos Pavel Kuŝnir. Ni skribas ĉi tie por memori lin, kaj ni skribas pro la sennombraj nekonataj politikaj kaptitoj en Rusio kaj aliloke en la mondo. Eble la plej granda tragedio de la vivo de Pavel estas, ke ni nur nun rimarkas, kia rimarkinda artisto, verkisto kaj pensulo li estis. Ni simple ne konis lin. Ĉi tio devas memorigi al ni, ke la perversa "elektoprocezo" de policoj rezultas en tio ke la plej mirindaj kaj sentimaj homoj estas ĵetitaj en malliberejon, kiuj estas ofte la plej bonaj homoj de malsana nacio. Ili havas eĉ malpli da ŝancoj profiti el interŝanĝo de kaptitoj ol la homoj, kiujn ni konas el la amaskomunikiloj – sed ni ne devas forgesi ilin. En la hodiaŭa infera kalejdoskopo, meze de falsaj novaĵoj, falsaj moraloj kaj falsaj valoroj, ni preskaŭ surdiĝis. Kiam ni subite aŭdas foran, belan sonon, kiu, malgraŭ sia modesteco, sufokas la ĉeestantan inferan muĝon kaj bruadon, ni kliniĝas antaŭ tiuj herooj kaj viziuloj, kiuj, en sia senespera soleco, oferas sin por la homaro kaj pagas la plej altan prezon. – Martha Argerich, Daniel Barenboim, Simon Rattle kaj aliaj.
Verkaro
[redakti | redakti fonton]Pawel Kuschnir, Русская нарезка (Originalo en la rusa), romano tradukita al la germana eldonita de ISIA Media, Leipzig 2024, ISBN 978-3-689-59907-2.[10]
Referencoj
[redakti | redakti fonton]- ↑ (en) Russian pianist and anti-war activist Pavel Kushnir сonfirmed dead in custody after hunger strike (Rusa pianisto kaj kontraŭmilita aktivulo Pavel Kushnir konfirmita mortinto en malliberejo post malsatstriko), The Insider. la 5-an de aŭgusto 2024, alirita la 5-an de aŭgusto 2024.
- ↑ (de) Wer war der russische Pianist Pawel Kuschnir, den Putin im Knast verhungern ließ? En: Luxemburger Wort , la 5-an de aŭgusto 2024, alirita la 15-an de aŭgusto 2024.
- ↑ (de, ru) Katya Kobenok, Unser liebster, wundervoller Don Quichote, Dekoder, 06.08.2024