Piedtretado

Piedtretado kun etaj botoj

Piedtretado estas okupo kaj seksa praktiko ligita al plezuro estigata de perpieda tretado. Homoj preferantaj la piedtretadon ŝatas se alia homo tretas ilin per siaj piedoj aŭ perpiede puŝas (batas) ilin, aŭ estas kontraŭe: ili mem faras tion ĉi al partnero. Tretado povas okazi kun uzado de piedvestaĵoj aŭ nudpiede.

La piedtretado estas aparta praktiko, tamen ĝi ofte povas esti priskribata kiel maniero de sadmasoĥismo (iam nomata BDSM) aŭ branĉo de piedfetiĉismo. Alia rilata afero estas kraŝfetiĉismo (plezuro pro rigardi homon tretantan aĵojn per siaj piedoj). En kelkaj kazoj ĝi povas malhavi ligon al homa seksumado (ekzemple en sporta agado aŭ kiel perpieda maniero de masaĝo).

Ĉefe praktikado de la piedtretado estas farata de du partneroj: unu estas supre (tretanto) kaj dua estas malsupre (tretato). Plejparte la praktiko daŭras kun virino tretanta viron. Tamen estas ofta ankaŭ piedtretado kun unu viro tretanta alian viron aŭ virino tertanta alian virinon (samseksa tretado). Ekzistas krome maniero kun tretado de ino per piedoj fare de vira partnero, sed ĝi estas pli malofta. Praktikado de peidtretado povas esti antaŭludo sekvata de normala amorado aŭ plenparte sufiĉa sen iu aldonenda agado.

Nuntempe seksuma piedtredado iam havas komercan funkcion kiel unu el pagendaj servoj proponataj de prostituinoj aŭ de erotikaj masaĝejoj (it).

Nomo

En plimulto da lingvoj mankas aparta vorto aparte signifanta la piedtretadon pro ĝia malofteco. Tamen en kelkaj lingvoj tiu vorto ekzistas kaj estas uzata: ekzemple en la rusa lingvo oni ofte uzas vorton трамплинг [trampling] devenantan de angla vorto trampling signifanta perpiedan tretadon; malsimile al angloj rusparolantoj uzadas la vorton трамплинг nur rilate al sekspraktiko (diference de la vorto топтание [ta(o)ptanije]); pro tio ĉi oni povas priskribi la vorton трамплинг en la rusa lingvo kiel apartan terminon por la piedtretado. Ĉi tiel estiĝas rusa verbo трамплинговать [tramplinga(o)vatj]. Same videblas en la pola lingvo: en pollingva interreto oni foje uzas anglodevenan polan vorton trampling [trampling] krom kutima pollingva deptanie [deptanje]. Tamen rimarkeblas ke tiuj ĉi vortoj (aperintaj ĉefe per enreta komunikado) funkcias kiel slangaĵoj kaj povas esti por plimulto da lingvoparolantoj nekonataj aŭ malbonsonaj.

Formoj

La piedtretado havas kelkajn tipojn:

• laŭ sekso de partoprenantoj (tretanto kaj tretato);
• laŭ maniero de farado (perpieda premado aŭ saltado sur partneron, ŝovado, perpiedaj batoj) kaj loko de efiko (premado de kapo, ventro, dorso, seksorganoj ktp);
• laŭ uzado aŭ neuzado de piedvestaĵoj (kaj tipo de preferataj ŝuoj).

Aparte oni distingas kelkajn nekutimajn manierojn:

• samseksa piedpremado (se la partoprenantoj ĉiuj estas viroj aŭ virinoj);
• multpieda tretato (kun 2 aŭ pli da samtempaj tretantoj);
• premado kun aliaj helpiloj, ekzemple per radoj de iu veturilo (aŭtomobilo, biciklo, motorciklo) aŭ hufoj de ĉevalo.

Piedtretado kaj masaĝo

Nudpieda premmasaĝo

Tretado per piedoj foje estas parto de masaĝa proceduro. Eŭropanoj ofte opinias ĝin ligita al orientaj tradicioj. Perpieda maniero havas gravan rolon en taja masaĝo kiel kuracproceduro (it). Priskribo de pieda masaĝo en banejo de urbo Tbiliso trobeblas en rakonto de rusa verkisto Aleksandr Puŝkin:

	„ Азиатские банщики приходят иногда в восторг, вспрыгивают вам на плечи, скользят ногами по бедрам и пляшут по спине вприсядку, е sempre bene. ”   „ Aziaj banistoj foje pleniĝas je plezuro, saltas sur viajn ŝultrojn, glitas perpiede laŭ viaj femuroj kaj dancadas duonkaŭrante sur dorso, kaj ĉio bonegas. ” — Vojaĝo al Erzurum dum militiro de jaro 1829

Multaj formoj de perpieda premmasaĝo havas longan tradicion kaj postulas spertan mastrumadon. Ekzistas kelkaj reguloj pri efektivigo de la proceduro por plej bona rezulto (kiel indas elekti masaĝiston, kiamaniere okazas la agado; ĉiuj reguloj povas dependi de celoj de la masaĝo). En multaj landoj kaj urboj funkcias diversaj kursoj por profesiaj masaĝistoj.

Aparta branĉo estas la tiel nomata erotika masaĝo. Nuntempe multaj fakaj masaĝejoj proponas piedtretadon al la dezirantoj.