Masaĝo

El Vikipedio, la libera enciklopedio
Saltu al: navigado, serĉo

Masaĝo estas antikva metodo malstreĉi kaj sendolorigi homan korpon.

Etimologio[redakti | redakti fonton]

Masaĝo (prononco laŭ IPA : [])

  • el la franca masser „masaĝi“.
  • el la araba مس „tuŝi, palpi“.

Komparu

  • (hebrea) משח „unkti“
  • (greka) μάσσω „maĉi; knedi“

Historio[redakti | redakti fonton]

La historio de la masaĝo eble estas same longa kiel la historio de la homaro. Manĝinte fruktojn kaj viandojn el la sovaĝejo, la prahomoj malbone fartis pro dispepsio. Ili trovis, ke eblas forigi la malkomforton per mana karesado de la ventro. Same eblas malpliigi la doloron de vundoj. Jam antaŭ 2500 jaroj, la masaĝo fariĝis formala kuracmetodo en Ĉinio. Tiu simpla rimedo, kiu bezonas nek drogojn, nek anestezon nek lanceton, estis iom post iom pli atentata kaj rutine uzata en malsanulejoj, sanatorioj kaj ĉe familioj.

Ekzemploj de masaĝo-tradicioj en la mondo[redakti | redakti fonton]

  • Afriko : Vunkuŭa (aliliterate ankaŭ kiel Vunkuwa [1]), masaĝo kiu radikas en aŭtentaj afrikaj naturkuracaj tradicioj, uzante teknikojn kiuj vamiĝas aŭ malvarmiĝas la korpon.
  • Barato/Hindujo : Ajurveda masaĝo aŭ tradicia hinda masaĝo
  • Barato-kaŝmira : "Kaŝmiri" aŭ masaĝo kiu originas en la ŝivaa tradicio de Kaŝmiro. Teknike ĝi estas bazita sur principoj el la tantra jogo-tradicio[2] sed post ĝia enkonduko en Francio ĝi en okcidento disvastiĝis kiel sensama masaĝo[3].
  • Ĉinio : "An Mo" (按摩), inkluzive "Tui Na" (推拿), tradicia ĉina masaĝo, uzante fingrojn kaj pugnojn
  • Ĉinio-tibeta : Kum Nye aŭ Skumnye (mnye estas la tibeta vorto por masaĝo), instruata laŭ la Internacia Akademio por Tradicia Tibeta Medicino [4] ĝi apartenas al sistemo de terapia oleomasaĝo (bsku mnye). Ĝi fontas en la medicinaj tantraoj. Ĝiaj avantaĝoj laŭdire inkludus la eliminadon de toksaj substancoj, kreskanta viigleco, doloro redukto kaj trankviligante de nervoza malordoj.[4]
  • Indonezio-Balio ; "Pijat Bali" aŭ tipa masaĝo el Balio
  • Japanio : Ŝiacu" (alilingve ankaŭ literumata kiel 'shiatsu') estas japana premmasaĝo
  • Japanio : "Yumeiho" [jumejho] aŭ 'diina' masaĝo estas ĝustiga premkneda terapio de la koksostoj bazita sur tuteca kaj popola terapimetodoj japanaj kaj ĉinaj kaj kiun kreis japana esperantisto Saionji Masayuki [5] Vidu Yumeiho por la ĉefartikolo rilate al tiu temo.
  • Koreo : Korea masaĝo, baziĝas sur relaksada tekniko kiu situas en la korea tradicio[6]
  • Oceanio : "Lomi Lomi" aŭ tradicia havaja masaĝo, origine inspirita de la malnova mistera ŝamana kahuna tradicio. Temas pri speciala kombino de masaĝo, respiro, danco kaj viva perkutado.
  • Svedio : Sveda tradicia masaĝo unu el la plej konataj masaĝoformoj en la mondo kiu estis kreita fare de Pehr Henrik Ling
  • Tajlando : "Nuad Thai Bo'Ran" aŭ taja tradicia masaĝo
  • Usono : "Esalen"kalifornia masaĝo estas tuteca oleomasaĝo kiu estĝis en la Instituto Esalen en Big Sur (Kalifornio). Ĝi celas la harmoniigon de la korpo kaj de la animo, agrable alkonduki energion al la korpo kaj kreskigi la korpokonscion.

Principoj (laŭ ĉina praktiko)[redakti | redakti fonton]

Masaĝo baziĝas sur la teorioj de Qi [Ĉi], Sango, Zang kaj Fu (visceroj), kaj Jing [Ĝin] kaj Luo [Lŭo] (meridianoj kaj kolateralaj meridianoj) de la tradicia ĉina medicino. La meridianoj kaj kolateralaj meridianoj troviĝas ĉie en la korpo. Ili interne ligas Zangfu (la viscerojn) kaj ekstere atingas la muskolojn kaj la surfacon de la korpo, kaj formas akordan, organikan tuton. Se en individuo la Qi (energio) stagnas, la Sango tro malrapide cirkulas kaj estas blokado de meridiano, ekestos malsano. Uzante la fingrojn kaj polmojn, kaj specialajn metodojn, la masaĝo celas agi rekte ĉe la meridianoj kaj la punktoj (Xuewei [Ŝuevej]) por malbloki la meridianon, akceli la fluon de Qi kaj la sangocirkuladon, por tiel kuraci la malsanon kaj plifortigi la korpon. La masaĝo fakte havas la samajn principojn kiel Qigon [Ĉigon]. Ĉe la unua, la individuo estas malstreĉigita pro agado de aliulo, ĉe la dua, li mem efikas ĉe si malstreĉiĝon. Rezulte, pliboniĝas la kondukto, transportado kaj enmetado de informoj en la korpo, la biologia retrokupfa sistemo. Trostreĉiteco estas grava fonto de multaj malsanoj.

Laŭ la teorioj de la moderna fiziologio, la korpo estas regulata pere de la nerva kaj korpolikvaĵa sistemoj. La efikoj de la masaĝo pasas tra la nervosistemo al diversaj organoj por tie stimuli aŭ malhelpi kuntiriĝon aŭ dilatiĝon. Samtempe, per la korpolikvaĵa sistemo, ĝi influas la agadon de diversaj hormonoj, kiuj regulas la metabolon kaj la funkciadon de la organoj. Masaĝo ĉe la dorso povas malpliigi antaŭe senĉesan doloron, ĉar ĝi stimulas la produkton de endorfino, peptido korpa kun opieca efiko. Kuracistoj trovas, ke masaĝo povas sendolorigi ĉe malfacile kuraceblaj malsanoj, kiel ekzemple: ŝultrodoloro, cervika spondilopatio, sindromo de fascio, mislokiĝo de intervertebra disko. [7].

Referencoj[redakti | redakti fonton]

  1. (en, fr, de, nl) Vankuwa
  2. (eo) tantra jogo [1]
  3. [2](france) Massage cachmérien (kaŝmira masaĝo)
  4. 4,0 4,1 [3] (angle) Internacia Akademio por Tradicia Tibeta Medicino (IATTM) Ku Nye
  5. [4](angle) History of Yumeiho Therapy (historio de yumeiho terapio)
  6. [5](france) Video relaxation coréenne (korea relaksado)
  7. Monato 1996