Poliez-Pittet

El Vikipedio, la libera enciklopedio
Jump to navigation Jump to search
Poliez-Pittet
Blazono de Poliez-Pittet
Blazono de Poliez-Pittet
Preĝejo de Poliez-Pittet
Preĝejo de Poliez-Pittet
Kantono Vaŭdo
Distrikto Centro de Vaŭdo
Koordinatoj  46°37′39″N 6°40′56″O  /  46.6275°N, 6.68222°O / 46.6275; 6.68222 (Poliez-Pittet)Koordinatoj: 46°37′39″N 6°40′56″O  /  46.6275°N, 6.68222°O / 46.6275; 6.68222 (Poliez-Pittet)
Nombro de enloĝantoj 712
Areo 5,01 km²
Alteco 743 m super marnivelo
Poŝtkodo 1041
Komunumkodo 5533
Mapo de Poliez-Pittet
Situa mapo de Poliez-Pittet
v  d  r
Information icon.svg

Poliez-Pittet estas komunumo en la Distrikto Centro de Vaŭdo en Kantono Vaŭdo, Svislando. Ĝi havis 712 loĝantojn je la 31-a de decembro 2012.

Geografio[redakti | redakti fonton]

La komunumo Poliez-Pittet situas sur la molasaj montetoj de Jorat en la Vaŭda Mezlando ĉe la okcidenta flanko de la valo de la rivero Mentue en sudoriento de la regiono nomita Centro de Vaŭdo (en la franca lingvo Gros-de-Vaud), en distanco de proksimume 10 kilometroj nordnordoriente de la kantonĉefurbo Laŭzano kaj 5 kilometroj orinete de la distriktĉefurbo Echallens. La komunumo konsistas el la vilaĝo Poliez-Pittet kaj la setlejoj Pralet, Méregniaux kaj Chenau, kaj diversaj izolitaj bienoj.[1]

La teritorio de la komunumo etendiĝas sur areo de 5,01 km², de kiuj 35,1% estas kovritaj de arbaro, 55,5% servas por agrikulturo kaj 9,4% por setlado. [2]

Najbaraj komunumoj[redakti | redakti fonton]

La komunumo Poliez-Pittet limas en nordo al Montilliez, en oriento al Jorat-Menthue, en sudo al Froideville, kaj en okcidento al Bottens.

Trafiko[redakti | redakti fonton]

Tra Poliez-Pittet pasas en nordoriento al kantona ĉefvojo n-ro 15 de Laŭzano al Thierrens. Tra la vilaĝocentro kondukas konekta vojo de Bottens al Dommartin, kaj konekta vojo konektas la vilaĝocentro kun la kantona ĉefvojo. La plej proksima alveturejo al la svisa aŭtovojo A9 situas proksimume 8 kilometrojn sudsudokcidente de la komunumo apud Laŭzano.

Historio[redakti | redakti fonton]

La unua dokumenta mencio de Poliez-Pittet datiĝas el la jaro 1160 kiel Poleto. Fine de la 19-a jarcento en Poliez-Pittet estis elfositaj la restaĵoj de gaŭla-romia setlejo, kie estis trovitaj pluraj bronzaj statuetoj. Dum mezepoko Poliez-Pittet apartenis al la nobela familio de Bottens. En la jaro 1348 ĝis akiris kune kun la Subvoktejo Bottens la Senjoroj de Orbe kaj Echallens. De 1474 ĝis la Helveta Revolucio de 1798 Poliez-Pittet apartenis al la komunuma berna kaj friburga Senjorujo Orbe-Echallens. Post la revolucio ĝi apartenis al la Distrikto Echallens, kaj surbaze de la administra reformo de 2006 ĝi kun efiko de la 1-a de januaro 2008 ĝi estis integrita al la nova Distrikto Centro de Vaŭdo. [3]

Vidu ankaŭ[redakti | redakti fonton]

  • Aliaj lokoj kun la nomo Pittet
  • Aliaj lokoj kun la nomo Poliez

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Marianne Stubenvoll: Poliez-Pittet en Historia Leksikono de Svislando (2010-02-12)

Eksteraj ligiloj[redakti | redakti fonton]