Poschiavo

El Vikipedio, la libera enciklopedio
Saltu al: navigado, serĉo
Poschiavo
Blazono de Poschiavo
Poschiavo-Dorf.jpg
Kantono Grizono
Distrikto Bernino
Komunumaro Poschiavo
Koordinatoj  46°19′30″N 10°3′15″O  /  46.325°N, 10.05417°O / 46.325; 10.05417 (Poschiavo)Koordinatoj: 46°19′30″N 10°3′15″O  /  46.325°N, 10.05417°O / 46.325; 10.05417 (Poschiavo)
Nombro de enloĝantoj 3490
Areo 191,01 km²
Alteco 1'014 m super marnivelo
Poŝtkodo 7742
Komunumkodo 3561
Mapo de la komunumo

Poschiavo (prononcu: poskjAvo; en Esperanto ankaŭ Poskiavo; en la germana kaj romanĉa lingvoj Puschlav, prononcita puŝlaf) estas politika komunumo en sudo de Grizono (Svislando). Ĝia teritroio kongruas kun tiu de la samnoma komunumaro. Kune kun la najbara komunumo Brusio ĝi konsistigas la distrikton Bernino. Ĝi estas unu el la tri itallingvaj valoj de la kantono Grizono.

Geografio[redakti | redakti fonton]

Poschiavo situas je la suda flanko de la Alpoĉeno ĉe rivereto Poschiavino, kiu ĉe Tirano fluas en riveron Adda. Tute supre norde en la valo situas la Palü-Glaĉero.

Najbaraj komunumoj[redakti | redakti fonton]

La komunumo Posciavo limas en nordnordoriento al Livigno (Italio), en nordoriento al Valdidentro (Italio), en oriento al Grosio (Italio), en sudoriento al Grosotto (Italio), en sudo al Brusio, en sudokcidento al Chiuro (Italio), en okcidento al Lanzada (Italio), kaj en nordokcidento al Pontresino.

Trafiko[redakti | redakti fonton]

Fervoje ĝi situas inter Tirano kaj Sankta Maŭrico ĉe linio de la Retia Fervojo, kiu ek de la 7-a de julio 2008 estas monda kulturheredaĵo de UNESKO. Tra la komunumo kondukas la vojo al Berninopasejo, kiu estas la unika konekto de Poschiavo kun cetera Svislando.

Lingvoj[redakti | redakti fonton]

La ĉefa lingvo de Poschiavo estas la itala. Parolata estas lombarda dialekto. Laŭ la popolnombrado de 2000 90,45% parolis la italan, 7,91% la germanan, kaj 0,43% la romanĉan.

Historio[redakti | redakti fonton]

La unua dokumenta mencio de Poschiavo datiĝas el la jaro 824 kiel Posclave. Jam en la 12-a jarcento Poschiavo disponis pri politika organizaĵo. En la 12-a kaj 13-a jarcento la valo estis sub la regado de la nobela familio Matsch-Venosta. En la jaro 1851 Brusio sendependiĝis de la komunumo Poschiavo. [1]

Notoj kaj referencoj[redakti | redakti fonton]

  1. Fonto: Arno Lanfranchi: Poschiavo (komunumo) en Historia Leksikono de Svislando (2010-09-29)

Eksteraj ligiloj[redakti | redakti fonton]

Bildoj[redakti | redakti fonton]